Meki joe taki fiti na iniwan sma na ini joe diniwroko (de plooibaar)
1 Wan sma di kan meki en taki fiti iniwan sma (plooibaar), kan kenki makriki komoto foe a wan sani go na tapoe a trawan. Plooibaarheid abi a ini en, taki wan sma kan fiti ensrefi na situwasi, abi foeroe fasi foe doe sani èn man foe kisi foeroe prakseri fa foe doe sani na difrenti fasi. Te wi de plooibaar, kande wi kan gi moro foeroe ten na a préki èn gi leri na sma foe na boen njoensoe, miti moro sma èn doe moro foeroe boen sani.
2 Foe di na bigi benawtoe e kon krosbé, dan a de wan tranga fanowdoe foe leri tra sma na waarheid. Wi moesoe de plooibaar na na sé foe den ten te wi e doe velddienst. Ini son gebied (te a moro bigi groepoe foe prékiman e doe dienst) wéniki sma nomo e de na oso. Fa wi kan miti den? Wi kan fiti wi schema foe na velddienst na so wan fasi dati wi kan doe wi activiteit na bakadina noso na mofoneti? Son gemeente ben abi heri boen bakapisi foe di den ben sreka sani foe neti-groepoe-prékiwroko ofoe velddienst tapoe satra- nanga sondebakadina. Mofonetiprékiwroko de wan sani di e wroko boen na ini joe gebied?
3 Kande joe ben sa kan gi boen kotoigi ooktoe na sma di e wakti bus, di sidon na ini oto di parkeer, e loekoe wenkri-graskasi noso di e waka kewon na tapoe strati. Wi belangstelling gi sma moesoe meki wi abi na lostoe foe go taki nanga someni sma leki a kan foe na boen njoensoe foe na Kownoekondre. — Matt. 9:35.
DE PLOOIBAAR NA DEN DORO
4 Te joe e waka go na a tra doro, prakseri foe na fanowdoe foe de plooibaar ini joe takmakandra. Teki ten foe loekoe en foe arki. Den sorgoe boen gi na oso? Joe e si bromki ofoe kande wan djari? Présani noso wan sani foe kerki de foe anbegi? Efoe a doro opo, joe e si ofoe a ososma de wan man ofoe oema, jongoe ofoe owroe, a de druk bezig noso ai bro-skin, nanga so moro fara. Foe san a ososma e taki joe kan kon sabi wan sani foe san a abi belangstelling, foe san a lobi noso no lobi, den kerki overtoigi foe en, sorgoe noso fanowdoe. Moro foeroe sma lobi te sma e hori rekening nanga den omstandigheden èn den fasi ra den e si sani.
5 Efoe na ososma e gi wan genstaki, dan gewoonlek a de wan ferstandiki sani foe joe piki a tapoe èn kande na wan sjatoefasi taki foe en fasi foe si sani. Na boekoe Tak-go-tak-kon nanga jepi foe den Boekoe kan jepi wi na tapoe na kontren disi. Efoe wi e wroko na ini januari nanga na Mekisani-boekoe, dan spesroetoe den bodoi ondro den Edeprakseri „Mekiwroko” nanga „Evolutie” de troetroe boen.
6 Soleki fa den ben gi na bodoi na ini na december-uitgave foe 1985 foe Wi Kownoekondredienst, dan foeroe prékiman sa gebroiki na njoen traktaat Kownoekondrenjoensoe nr. 33 leki wan bigin foe taki foe na Mekisani-boekoe. Trawan kande sa wani foe gebroiki na boekoe srefi foe wiki belangstelling. Baka te joe kari wan moi punt ini a traktaat, joe ben sa kan poti prakseri tapoe kapitel 4, di nen „A kan taki a libi bigin somaar?” èn joe ben sa kan lési paragraaf 1 gi den. Moro fara joe ben sa kan taki taki na kapitel disi e sori san den evolutionist (sma di e bribi na ini evolutie) ben taki foe na mogelekheid taki libi kon so maar. Joe ben sa kan sori den na edeprakseri di joe ben soekoe a fesi kaba, bodoi na ini na sékantilin ofoe prenki di soleki fa joe e prakseri sa wiki na a ososma na lostoe foe lési a boekoe.
7 Plooibaarheid de fanowdoe foe fiti na Tori foe Takmakandra na den difrenti sma di joe e miti na ini na velddienst. Kapitel 19 kan tjari kon fiti boen nanga na Tori foe Takmakandra di wi e gebroiki dan.
8 Fa wi kan pristeri na Mekisani-boekoe na sma di no e bribi na ini evolutie? Joe ben sa kan aksi foe san-ede wan foeroe-nanga-lobi Gado e gi pasi taki someni pina de na ini grontapoe. Naki morofara opo bladzijde 188, paragraaf 1 èn meki den si taki na aksi disi den e taki foe en na ini a boekoe. Noso kande joe wani naki opo bladzijde 191, èn lési paragraaf 8 gi den èn teki gersi den prenki foe Adam nanga Eva tapoe bladzijde 189 nanga 191 nanga makandra. Jepi na ososma foe kon si taki na kapitel disi e gi wan redelek, bijbel piki èn e ferklari foe san-ede Gado e gi pasi taki pina de.
9 Soleki fa joe e si dan boen réde de foe de plooibaar na ini wi diniwroko. Foe di wi e sreka wisrefi fajafaja a fesi èn e doe moeiti na ini wi schema foe na velddienst èn ini wi pristeri foe de plooibaar, wi kan sori opregti lobi gi libisma èn préki na boen njoensoe moro boen.