Pristeri a boen njoensoe — Nanga na gobaka formulier foe abonnement di stop
1 Na fisiti foe van sma foe soema en abonnement tapoe Na Wachttoren nanga Ontwaakt! o stop, er’esi, e gi wan heri moi okasi foe gi moro kotoigi. Wan fundamenti ben poti kaba èn na ososma ben kisi wan pisten langa kaba doronomo wán noso ala toe tijdschrift. Nanga aladi son sma no ben sa lési ibri uitgave dorodoro, tokoe na wan doronomo fasi jeje njanjan ben kon na ini den oso foe memre den na Jehovah nanga den blesi foe en Kownoekondre.
2 Den go-bakaformulier foe abonnement moesoe gi na na sma di ben sroto na abonnement biginbigin. Foe di sontron prékiman e froisi èn sontron abonnement ben e seni kon foe wan sma di de na ini wan tra gemeente, dan kande sontron joe e kisi sowan spesroetoe go-bakaformulier. Fa wi moesoe loekoe na afersi foe so wan go-baka?
NA JOISTI FASI FOE SI SANI
3 Wi moesoe teki pasi go nanga na positief prakseri foe gi moro kotoigi èn a no kan trafasi foe gi na ososma na dek’ati foe abonneer agen. Kande di biginbigin a ben sroto na abonnement, a no ben de so fara foe teki wan studi, ma kande en fasi foe si sani now, baka di a lési den tijdschrift wan jari langa, kenki. Séker wi no moe teki wan negatief fasi foe si sani taki na sma di abonneer no abi belangstelling foe di a no abi wan studi.
4 San kan doe foe gi na sma di abonneer a moro betre service èn jepi a Genootschap foe sorgoe gawgaw foe den abonnement di sroto agen? Now wantoe punt e kon di wi kan go prakseri pikinso: (1) Na brada di e sorgoe foe den abonnement moesoe gi den formulier wantewante na den prékiman sodati den kan go doe wan go-baka foe proberi foe sroto na abonnement agen. (2) Den prékiman moesoe abi na formulier disi na den te den e go doe na go-baka èn den moe gebroiki a disi (no wan njoen formulier) efoe na sma wani abonneer agen. Dan a no de fanowdoe foe seni na adresetiket tapoe na papira di kafti na tijdschrift kon baka. (3) Ala abonnement efoe a kan nomo moesoe lever in tapoe na fosi komakandra di e kon. Dan IBRI WIKI den moesoe seni go na a Genootschap, awasi a de wán nomo.
San joe ben sa kan taki?
5 Te wi e bel na wan sma foe soema en abonnement pikinmoro kaba, san wi ben sa kan taki foe wiki en belangstelling gi na tijdschrift? A ben sa de moro betre foe taigi en wantewante nomo taki en abonnement o kaba djonsro èn dan aksi na ososma foe sroto na abonnement agen? Na son okasi disi kan wroko boen. Joe sa kon si na a tra sé dati na belangstelling foe na sma di abonneer kon kowroe pikinso efoe a no ben kisi doronomo fisiti foe wan sma. Soboen a kan de fanowdoe foe wiki na belangstelling di ben sori na ini a bigin.
6 Bakadi joe kari joe nen gi a sma kande joe ben sa kan taki: „Mi e meki spesroetoe moeiti foe fisiti sma ini na birti disi di ben kisi Na Wachttoren (noso Ontwaakt!) ini a jari di psa. Mi e howpoe taki joe ben njan boen foe en nètsoleki mi ben njan boen foe en.” Wan sjatoe pisten foe wakti djaso sa gi na ososma na okasi foe ferteri efoe a ben kisi okasi foe lési foeroe foe den artikel. Dan joe ben sa kan taki: „Ini na uitgave disi wan artikel tanapoe di mi ben lési nanga troetroe foeroe prisiri. [Kari na onderwerp ofoe na titel foe na artikel. A kan fiti foe gi pikinso kommentaar tapoe na artikel.] No solanga ete wi kisi wan bericht taki joe abonnement e kaba (ofoe kaba) èn wi no ben sa wani foe si taki joe misi no wan enkri uitgave. Mi ben sa wani sroto joe abonnement agen gi joe. A e kostoe nomo sf 7,00 ibri jari.” Kande a ososma e teki na bosroiti foe no sroto na abonnement agen nownow, ma efoe joe e si taki tokoe ete wan pikinso belangstelling de, joe ben sa kan sreka sani foe go baka ini wan pisten foe wan noso toe wiki.
7 Hori na prakseri taki a de wi marki foe leri sma na waarheid èn foe leri den foe abi wan prati ini na meki kon regtvaardiki foe Jehovah bigi èn santa nen. Boiti Na Wachttoren nanga Ontwaakt! dan na tapoe na grontapoe disi tra tijdschrift no de di e dini na prakseri foe Gado. Loekoe omeni blesi na ososma di e kisi den tijdschrift disi doronomo èn e lési den e kisi! Meki oenoe doe den porsi foe di wi e meki boen gebroiki foe den go-baka formulier foe den abonnement di kaba.