Kownukondrezaal di sma musu man fu kon sabi
1 Ibri Kownukondrezaal sma musu man fu kon sabi nanga yepi fu wan bord di fiti èn pe tanapu: „Kownukondrezaal fu Yehovah Kotoygi”. A bord musu de krin èn moy, musu kotoygi fu bun tesi èn musu ondrow bun.
2 Pe gemeente di e taki difrenti tongo e konmakandra na ini na srefi Kownukondrezaal, dan leki fa a gwenti de dan ini ibri tongo wan Kownukondrezaal bord musu poti. Disi e meki a de seyker moro makriki gi sma di e taki den tongo disi fu kon sabi wi presi fu anbegi. Den skin fu owruman fu den gemeente di abi fu du nanga na tori disi musu man fu seti sani fu na poti fu Kownukondrezaalbord na ini den tongo fu den gemeente di e meki kobroyki fu wan spesrutu Kownukondrezaal. — Fil. 2:4.
3 Moro fara, pe a de praktis, dan den yuru fu den konmakandra musu skrifi poti èn musu kenki efu bakaten den yuru fu den konmakandra kenki. Wan Kownukondrezaal di moro leki wàn tongogrupu e kobroyki, musu abi wan bord pe den yuru fu ibri tongo grupu skrifi a tapu.