Tan abi foeroe foe doe ini a dienst foe Jehovah
1 Foetroe wi abi wan grani foe dini Jehovah. Now di wi teki soifri sabi foe en nanga en wan enkri lobi Manpikin, Jesus Christus, meki lobi e boeweigi wi foe wi e gi wisrefi krinkrin foe doe en wani (Joh. 17:3). Kande wi e kon weri, ma Jehovah e gi wi krakti so dati wi kan abi dorodoro tranga pasa marki. — Jes. 40:29.
2 Fa wi kan sori wi warderi na a moro betre fasi gi na bigi lobi di Jehovah Gado nanga Jesus Krestes ben sori gi wi? (2 Kor. 5:14, 15). Wan toemoesi prenspari fasi na foe doe san Jesus ben doe, di sondro foe weri ben e gi kotoigi foe en Papa nen nanga en Kownoekondre (1 Petr. 2:21). Efoe wi bribi tranga, wi libi sa bow lontoe na wroko di Gado gi wi foe doe, na preiki foe a boen njoensoe. — Mat. 24:14
3 A de so taki no moro mendri leki wan bepaalde ten wi moesoe gi na a velddienst? Situwâsi e kenki. Kande wi hei jari de wan skotoe gi wi, wan takroe gosontoe, noso famiri frantiwortoe. Ma, foe wi alamala den e aksi taki wi de nanga wi heri ati ini wi dienst gi Jehovah. Disi wani taki dati wi alamala aparti sa sori o dipi a gi di wi gi wisrefi ini a diniwroko èn o troe a gi di wi gi wisrefi abra foe di wi e doe moeiti srefisrefi ini a diniwroko (2 Tim. 2:15). Okasi opo gi iniwan foe wi ini wi eigi situwâsi. San de wan toe foe den?
4 Fasi foe bradi wi diniwroko: Na a fosi presi wi moesoe abi belangstelling foe meki a kwaliteit foe wi diniwroko kon moro betre. Disi wi kan doro efoe wi meki wi bekwaamfasi foe gi leri kon moro bigi. Wan foe den marki foe a Theokrasia Diniwrokoskoro na foe jepi wi foe wi kon moro boen ini wi velddienst. Wi e denki nanga velddienst ini prakseri te wi e sreka wisrefi gi wi toewijzing? Wi e gebroiki rai di wi kisi so dati wi kan meki wi eigi diniwroko kon moro boen? (sg 96-99) Na so, foeroe boen rai foe na velddienst gi na a Diniwroko konmakandra. Meki wi gebroiki disi so esi leki a kan.
5 Go loekoe moro fara foe joe kan seti joe situwâsi na so wan fasi taki joe kan abi prati na ini a jepi noso gewoon pionierwroko. Efoe joe doe dati, seiker joe sa tan abi foeroe foe doe ini a dienst foe wi Tata, Jehovah (1 Kor. 15:58). San efoe joe no man foe pionier? Joe kan demo wan pionier jeje foe di joe e kweki wan troetroe lobi gi na diniwroko nanga wan dipi broko-ede gi den sma ini a gebied. So srefi joe kan gebroiki ala okasi foe jepi opregti sma foe kon sabi Jehovah nanga den prakseri foe en di e gi froewondroe, foe di wi e tjari gobaka èn e hori bijbelstudie.
6 Piki boen tapoe a kari foe jepi pe a nowtoe de moro bigi, kan de so srefi wan pisi foe wi go na fesi (Jes. 6:3). Den di froisi go na wan gemeente di abi jepi fanowdoe ini a skin foe dinari noso di ben soekoe jepi ini a wroko foe den gebied seiker ben feni foeroe blesi.
7 Di fosifosi wi ben kon leri sabi a waarheid, dan lobi gi Jehovah nanga Jesus Krestes ben boeweigi wi foe tjari foeroe kenki kon na ini wi libi. Now, efoe wi gro ini warderi foe wi matifasi nanga wi hemel Tata èn san en Manpikin ben doe foe wi ede, dan tra sani de di wi kan seti foe kan doe moro ini wi diniwroko? Meki wi alamala gi wisrefi krinkrin foe doe moro, foe di wi e tan wroko tranga ini a dienst foe Jehovah. — Rom. 12:11.