Yesus libi nanga diniwroko

Kon de srekasreka tapu ferfolgu

BAKADI Yesus ben gi en apostel instructie fu a fasi tapu fa den ben mu du den preikiwroko, a e warskow den gi gensman: Ai taki: „Mi e seni unu go leki skapu a mindri fu wolfu . . . Luku bun nanga den sma bika den sa gi unu abra na den krutubangi fu den presi pe den e libi èn krawasi unu ini den kerki fu den. Srefi fu mi ede den sa srepi unu go na fesitiriman nanga kownu.”

Ma aladi en bakaman ben sa musu ferdrage hebi ferfolgu di den ben sa kisi toku Yesus e pramisi nanga trowstu : „Te den gi yu abra no broko yu ede fu fa ofu san yu mu taki bika san yu mu taki yu sa kisi tapu a yuru dati, bika no soso yu e taki, ma a yeye fu yu Tata e taki nanga yu”.

„Moro fara” na so Yesus e go Moro fara, „na wan brada sa gi na trawan abra fu den kiri en, èn wan tata en pikin èn pikin sa opo tanapu teige papa nanga mama fu den en èn meki den kiri den”. A e taki moro fara: „Fu mi nen ede unu sa tron sani fu ogri-ati gi ala suma; ma a suma di horidoro te na a kaba, en dati sa kisi ferlusu.”

Fudi na preiki de na moro prenspari sani, meki Yesus e poti krakti a tapu dati den mu de koni, sodati den sa hori den fri fu du a wroko. „Te den e ferfolgu yu ini a wan foto, lon go no trawan,” so a e taki, „bika futru, mi e taigi unu: unu no so waka lontu na kring fu den foto fu Israël kwetkweti, bifo na pikin fu libisma ben so kon.”

A de tru dati Yesus ben gi na instructie, warskow nanga dek’ati disi na en twarfu apostel, ma ooktu a ben abi na bedoeling gi sma baka en dede nanga opobaka ben sa abi wan prati na a grontapu preikiwroko. Disi e kon na fesi fu san a ben taigi en discipel dati „sma ben sa abi ogri-ati” fu den, no wawan fu na sei fu den Israëlsma na suma den ben seni den apostel fu go preiki. A de krin dati den apostel no ben srepi go no fesi fu tirimen nanga kownu, di Yesus tapu a syatu preikiveldtocht fu den ben seni den go fu preiki. Boiti fu dati, den bribiwan no ben gi abra no famiriman fu kiri den.

Sobun, di Yesus ben taki dati en discipel no ben so klari na preikiwake fu den „bifo na manpikin fu libisma ben so kon” dan no profeiti fasi a ben ferteri wi dati en discipel no ben sa klari na kring fu na heri grontapu pe sma e libi bifo na glori kownu Yesus Kristus ben sa kon leki Yehovah krutuman ini Armageddon.

Jesus e go moro fara nanga en preikiwroko-instructie nanga den wortu: „Wan discipel no de moro leki en leriman, èn wan srafu no moro leki en meister.” Sobun, Yesus bakaman mu reken tapu densrefi takru behandeling èn ferfolgu leki a ben ondrofeni fu na preiki fu Gado kownukondre ede. Toku a e fermane: „No frede gi den di e kiri na skin, ma no kan kiri na sili; ma frede moro furu en di kan pori ini Gehenna sili èn skin.”

Yesus srefi de ini disi na eksempre. Sondro frede a ben luku ondro ai na dede, moro furu leki fu skeki ensrefi ini a tori fu en loyaliteit na fesi fu a Sma di abi ala makti, Yehovah Gado. Iya, Yehovah no wawan kan pori wan sma „sili” (nanga san ini a geval disi e bedoel en fruwakti tapu a de fu en leki wan sili), ma kan wiki srefi den dedewan komoto fu dede fu kisi tego libi. Fa Yehovah de wan lobi, èn sar’ati hemel Tata!

Dan Yesus e gi en discipel dek’ati nanga wan agersitori di e poti prakseri tapu Yehovah lobi sorgu gi en: „A no de so dati tu fowru fu wan moni fu pikin waarde den e seri?” a e aksi. „Toku nowan fu den sa fadon na gron sondro fu yu Tata sabi dati. Ma srefi den edewiwiri fu yu ede den teri alamala. No frede fu dat’ede: „Yu de moro leki furu fowru.”

Na Kownukondreboskopu di Yesus discipel mu meki bekenti ini opdrakti fu en, ben sa prati osofamiri fudi son famirman ben sa teki na waarheid èn trawan no ben sa teki en. No denki dati mi kon fu tyari vrede kon na grontapu”, a e tyari kon na krin, „mi no kon fu tyari vrede kon, ma wan fet’owru.” A e aksi sobun dek’ati fu wan famirman fu teki na waarheid. „Suma abi moro lobi gi papa ofu mama leki gi mi, no warti gi mi.” Yesus e meki den frustan, „èn suma abi moro bigi lobi gi manpikin ofu gi umapikin no de warti gi mi.”

Leki lasti fu den instructie fu en Yesus e tyari kon na krin, dati ibriwan sma di e teki en discipel e teki en ooktu. „Èn alasma di e gi wan fu den pikinwan disi soso wan beker kowru watra fu dringi, fudi a de wan discipel, futru, mi e taigi yu, a no sa lasi en paiman kwetkweti.” Mattéus 10:16-42.

◆ Sortu warskow Yesus ben gi en discipel?

◆ Sortu dek’ati nanga trowstu a ben gi den?

◆ Fu san-ede Yesus instructie de ooktu gi kristensma ini a ten disi?

◆ Na sortu fasi wan discipel fu Yesus no de moro leki en leriman?