Yesus libi nanga diniwroko

Wan boi di ogri-yeye ben de na en tapu e kon betre

INI A PISTEN, di Yesus, Petrus, Jakobus nanga Yohannes ben gwe — seiker kande den de tapu wan pisi fu na bergi Hermon — dan den tra disipel e kon tanapu fesi wan problema. Di Yesus drai kon baka a e si wantewante dati wan sani no bun. Wan bigi ipi sma de lontu en disipel èn den meester fu wet e tak-go-tak-kon nanga den. Te den sma e si Yesus, den ferwondru srefsrefi èn e lon go na en fu go gi en odi. „Fu san unu e tak-go-tak-kon nanga den?” a e taki.

Fu na ipi sma wan man e kon a fesi di kindi a fesi Yesus èn a taki: „Leriman, mi tyari mi manpikin kon na yu fudi a de ini a makti fu wan babaw yeye; èn pe a disi grabu en ooktu, a e trowe en na gron, èn a pikin e kisi skuma tapu en mofo èn e kaw tifi èn e lasi en krakti èn mi ben taigi yu disipel fu puru en trowe, ma den no kan du dati.”

Den meester fu wet di fudi den disipel no ben man fu dresi na boi seiker ben go fu meki na muiti fu den kande de wan lafu sani. Tapu na muiliki momenti disi Yesus e kon: „O, unu geslagti fu sma di no e bribi”, Yesus e taki. „O langa mi um tan na unu? O langa mi mu ferdrage unu ete”?

A gersi dati Yesus wortu de gi ala sma di de drape, ma sondro degedege den de spesrutu gi den meester fu wet di ben meki en muilek gi en disipel. Bakaten Yesus e taki fu na boi: „Tyari en kon na mi.” Ma te a boi e kon na Yesus, na ogri-yeye naki en trowe na gron èn e meki a kisi stoipi tranga srefsrefi. A boi e lolo tapu a gron èn skuma de tapu en mofo.

„Olanga a abi disi kaba?” Yesus e aksi.

„Fu sensi en pikinnengre yari kaba.” a papa e piki. „Furutron na [ogri-yeye] ben trowe en go ini a faya èn ooktu ini a watra fu kiri en”. Dan a papa e begi: „Efu yu kan du wan sani, abi sari nanga wi èn yepi wi”.

A papa kande yari kaba baka makandra a ben suku yepi. èn now di Yesus disipel no kan yepi en, a de sondro howpu. Te Yesus go tapu na aksi fu na man di de sondro howpu a e taki fu gi en dekati: „Na wortu dati: ’Efu yu kan’! We, ala sani kan gi a sma di abi bribi.”

„Mi abi bribi!” a papa wantewanta e bari taki, ma ai begi: „Kon yepi mi pe mi mankeri bribi!”

Yesus e si dati na ipi sma e hari kon na bosu èn e strafu na ogri-yeye: „Yu babaw èn dofu yaye, mi e komanderi yu, komoto fu en èn no kon moro ini en”. Efu na ogri-yeye e hari gwe, a e meki dati a boi bari tranga èn e kisi furu stoipi. Bakadati a boi e didon sondro fu buweigi na tapu na gron, sodati morofuru sma a taki: „a dede!”. Ma Yesus e teki en na anu, ai opo tanapu.

Di na fesi den ben seni den dispel go fu preiki, den ben puru ogri yeye na sma tapu. Te den e go ini wan oso èn den ben de den wawan, den e aksi Yesus fu dat’ede: „Fu san-ede wi no ben kan puru en tapu a boi?”

Yesus e ferteri dati disi du kon fu na mankeri fu a bribi fu den èn e piki: „A sortu disi no kan puru nanga wan trafasi dan leki nanga begi.” Seiker a kan de so dati sreka ben musu fu du fu puru na spesrutu makti ogri yeye di ben de na ini a geval disi. Wan krakti bribi ben de fanowdu fu disi, makandra nanga begi na ini san wan sma di e begi fu na tranga yepi fu Gado.

Yesus e taki morofara ete: „Fu tru, mi taigi unu: Efu yu abi bribi net so bigi leki wan pikin mosterdsiri, dan yu sa taigi na bergi disi: ’Opo yusrefi puru fu dya go drape’, èn a sa opo ensrefi puru. Èn nowan sani sa de gi yu di no kan”.

Fa bribi kan de wan krakti sani! Skotu nanga muilekheid di e hendri na go a fesi ini Yehovah dienst, kan gersi dati den de netso wan sani di yu no kan pasa èn abra èn di no kanpuru a pasileki wan bigi letterlijk bergi. Toku Yesus e sori dati fu wi kweki bribi ini wi ati fudi wi e nati en èn meki a gro, a sa kon lepi èn meki wi wini den sortu skotu nanga muilekheid di yu kan teki gersi nanga bergi. Markus 9:14-29; Mattéus 17:19, 20; Lukas 9:37-43.

◆ Sortu situatie Yesus e miti te ai drai baka kon fu na bergi Hermon?

◆ Fa Yesus gi dekati na a papa fu na boi di ogri-yeye ben de na en tapu?

◆ Fu san-ede den disipel no ben man fu puru na ogri-yeye?

◆ O krakti bribi kan kon soleki Yesus ben taki?