Yeyses libi nanga diniwroko
Te den e feni na lasi manpikin
FA DEN e teki na lasi manpikin na ini na agersitori fu Yeyses te a e dray kon baka na a oso fu en ppa? Arki na san Yeyses e fruteri:
„Ala di a de farawe ete, dan en ppa ben si en èn sari ben buweygi en én a lon go na en èn fadon na en neki èn bosi en switi.” Fa disi na wan sari-ati èn switi-ati tta, wan tumi moy prenki fu wi heymel Tata, Yehovah!
Na ppa kande seyker ben yere fu na lusu fasi fu libi fu en manpikin. Toku a e bari wan switi-kon sondro fu wakti fu a fruteri finifini san pasa. Yeyses abi ooktu so wan switi-ati yeye fasi èn a teki pasi fu waka go miti sondari nanga belastingman di na lasi manpikin ini na agersitori e prenki.
A de tru taki na tta na ini na agersi tori fu Yeyses di ben luku sani bun sondro degedege e kisi wan pikinso ideya fu na berow fu en manpikin di dray kon baka, so dra a si na sari èn dungru fesi fu en. Ma na teki fesi na wan lobi fasi fu na tta e meki en moro makriki gi na manpikin fu taki fu en sondu so leki Yeyses e fruteri: „Ne na manpikin taygi en: ’Tta, mi ben sondu teyge heymel èn teyge yu. Mi no warti moro fu den kari mi yu manpikin. Meki mi tron leki wan fu yu wrokoman.’”
Ma den wortu disi pikin moro no komoto bunbun fu en mofobuba fu na manpikin efu en ppa e go abra fu du sani èn gi en srafu na komando: „’Esi! Go teki wan langa krosi kon, a moro bun wan, èn weri en gi en weri wan linga na en anu èn dilayla na en futu. Èn teki na fatu yongu kaw, srakti dati èn meki wi nyan èn prisiri, bika na manpikin disi fu mi ben dede èn kon baka na libi; a ben lasi èn den feni en.’ Èn den ben bigin fu prisiri.”
Ala den ten dati na „moro owru manpikin den de na a firi”. Proberi pikinso efu yu kan frustan suma a e prenki te yu o arki na tra pisi fu na tori. Yeyses e taki fu na moro o manpikin: „Di a dray kon baka èn ben doro na oso, a ben yere den bbari fu poku èn dansi. Fu dati-ede a ben kari wan fu den knekti kon na en èn a ben aksi san disi ben wani taki alamala. A ben taygi en: ’Yu brada ben kon, èn yu ppa ben srakti na fatu yongu kaw, fu di a ben dray kon baka na ini bun gesontu.’ Ma en ati ben bron, a no ben wani go na inisey.
Di en ppa ben kon na doro èn ben go taki nanga en tranga. A ben piki en ppa: ’Luku, mi ben dini yu someni yari kba leki srafu èn noyti ete mi ben psa yu kobot, èn toku noyti ete yu ben gi mi wan krabita bokoboko so taki mi ben kan meki prisiri nanga mi mati. Ma so esi na manpiki disi fu yu ben kon, di ben nyan nanga den huru den sani fu yu fu tan na libi, dan yu ben srakti na fatu burukaw gien.’”
Suma de net leki na moro owru manpikin fu feni fowtu ini na sari-ati fasi nanga prakseri di e gi na sondari? Dati no ben de den meystri fu Wèt nanga den Fariseyman? Fu di na suku fu fowtu na Yeyses, fu di a ben bari wan switikon gi sondari, ben meki a gi na agersitori disi, dan seyker den musu de den sma di na moro owru manpikin e prenki.
Yeyses e tapu na tori fu en nanga den wortu di na ppa e pruberi nanga den fu tyari en moro owru manpikin kon tapu tra prakseri: „Pikin, yu ben de ala ten na mi èn ala sani san fu mi na fu yu; ma mi ben musu meki prisiri èn breyti, bika na brada disi fu yu ben dede èn a kon a libi, èn a ben lasi èn den ben feni en.”
Yeyses na a fasi disi e libi a tori so sondro fu sori san na moro owru manpikin te fu kba ben du. Baka ten, baka a dede fu èn opobaka fu Yeyses, fu tru „wan bigi ipi pristri ben gi yesi na a bribi”, kande makandra nanga wantu fu den „moro owru manpikin” klasse di Yeyses ben taki dya fu den.
Ma suma den tu manpikin e prenki ini na ten disi? Dati gersi den sma di abi nofo sabi fu Yehovah fu kon na ini wan matifasi nanga en. Na moro owru manpikin na wan agersi fasi fu son memre fu na „pikin ipi” ofu „gemeente fu fosi koboruwan di nen skrifi na ini heymel”. Den disi ben teki net so wan yeye fasi leki na moro owru manpikin. Den no ben wani fu bari wan switi kon gi wan grontapu klasse, na den „tra skapu”, di leki fa den ben prakseri ben o kon tumsi na ini na middelpunt fu na belangstelling.
Na lasi manpikin na a tra sey e prenki den sma fu Gado pipli di gwe libi Gado organisâsi fu go tesi den prisiri fu na grontapu. Ma baka wan pisiten e dray kon baka nanga berow èn e tron baka faya dinstknekti fu Gado. Iya, fa na Tata de furu nanga lobi èn sari-ati gi den sma di e frustan taki den abi pardon fanowdu èn e dray kon baka na en! Lukas 15:20-32; Tori fu den apostel 6:7; Lukas 12:32; Hebrewsma 12:23; Yohannes 10:16.
◆ Fa Yeyses e waka na baka na eksenpre fu na sari-ati tta di a kari na ini en agersitori?
◆ Fa na moro owru manpikin e si na teki di den teki en brada, èn fa den Fariseyman e tyari den srefi nèt so leki na moro owru manpikin?
◆ Fa Yeyses agersitori kan kobroyki na ini wi ten?