Kisi winimarki foe a theokrasia diniwroko-skoro foe 1996 — Pisi 1
1 Joe leisi den bodoi di gi na ini a „Schema gi a theokrasia diniwroko-skoro foe 1996”? Joe ben poti prakseri tapoe wan toe kenki di kon? Bigin nanga a moen mei toewijzing no. 3 sa abi en gron na tapoe a njoen Sabi-boekoe èn bigin nanga januari 1996, toewijzing no. 4 sa abi en gron na tapoe a Redeneren-boekoe (Taki go taki kon-boekoe).
2 Den toewijzing foe den studenti: Wan sisa e kisi toewijzing no. 3. Te wan sisa kisi lezing no. 4 di abi en gron na tapoe a Redeneren-boekoe, a sisa moesoe hori en na wan situwâsi di seti na wan praktis fasi èn moesoe abi oso foe oso preikiwroko noso okasi preiki na ini. Ma te a lezing abi en gron na tapoe a Sabi-boekoe, dan den moesoe pristeri en leki wan gobaka noso wan oso-bijbelstudie. Disi sa de wan jepi srefisrefi, foe di wi sa gebroiki a Sabi-boekoe doronomo foe hori oso-bijbelstudie.
3 Efoe joe seti a sani so leki wan oso-bijbelstudie, dan ala toe sisa kan sidon. Bigin wantenwanten nanga a studie-materiaal foe di joe no e taki foeroe sani na ini joe inleiding èn baka dati poti na aksi di skrifi. A sma di e prei a ròl foe na ososma moesoe doe dati leki fa a e pasa troetroe. Den kan soekoe den bijbel tekst di gebroiki èn leisi den efoe ten de ete. A sisa moesoe gebroiki a koni foe gi leri foe di a e poti aksi foe meki na oso sma taki sondro foe frede èn foe taki foe den bijbel tekst di den ben gebroiki. Disi na a fasi foe gi leri san a skoro opziener sa wani si.
4 San moesoe pasa efoe moro tekst de na ini a toewijzing leki san joe man taki foe en na ini feifi miniti? Teki den moro prenspari tekst di e tjari den ede prakseri kon na krin. Efoe wan toe tekst de nomo, dan joe kan taki moro dipi foe den ede prakseri na ini a pisi. Wawan tron, joe kan leisi èn taki nanga na oso sma foe wan paragraaf noso wan lin foe a boekoe.
5 A preikiman di kisi a toewijzing di e taki foe a lasti paragraaf foe a kapitel, ben kan taki sjatoe baka foe a boksoe nanga a nen „Ondrosoekoe a sabi foe joe”, di de foe feni na a kaba foe ibri kapitel foe a Sabi-boekoe. Efoe ten de ete, a kan taki toe foe den boksoe nanga bodoi na ini, di de na ini a pisi di a sisa kisi foe doe. Efoe wan boksoe nanga bodoi de na mindri toe difrenti toewijzing, dan a sisa di e doe a fosi toewijzing kan taki foe en. A kan taki foe den prenki na ini a boekoe te den e fiti na a materiaal foe san a e taki foe en.
6 Leki fa a taki kaba dan lezing no. 4 abi en gron na tapoe Redeneren aan de hand van de Schrift. Te wan brada kisi a lezing disi, a sa hori en leki wan lezing gi a heri zaal. A ben sa de a moro boen sani efoe a brada e sreka en lezing nanga den arkiman ini a Kownoekondre zaal na prakseri, so taki a tori sa leri sma wan sani èn sa de boen gi den sma di e arki dati.
7 Efoe wi e teki winimarki dorodoro foe a leri di a skoro e gi, dan wi sa man foe „preiki a wortoe” moro boen, na wan fasi di e sori a toemoesi boen „koni foe gi leri”. — 2 Tim. 4:2.