Go a fesi nanga yepi fu na theokratis diniwroko
1 Wi e prisiri srefsrefi dati Yehovah ben gi wi „na tongo fu den sma di kisi leri” (Yes. 50:4). Na theokratis diniwrokoskoro ben de moro leki 44 yari wan prenspari wrokosani di Yehovah ben gebroiki fu gi wi theokratis leri; ini Bakrakondre a skoro de 40 yari kaba. Now wi abi wi nyun schema fu na theokratis diniwrokoskoro. Yu ben leisi den instructie gi na skoro ini 1988 finifini kaba?
2 Toewijzing nr. 1, den edeprakseri fu na bijbelleisiprogramma, èn lezing nr. 2 sa waka baka na srefi patroon leki a yari a fesi. Ma den lezing nr. 3 nanga 4 sa kenki fudi den e meki wi kon sabi tu yepisani di e sori wi a pasi fu gi leri èn di wi gebroiki bun furu ini a velddienst, dati wani taki Yu kan libi fu tego ini wan paradijs na grontapu èn Tak-go-tak-kon nanga yepi fu den buku.
3 Lezing nr. 3 sa de dan a wan tron na Tak-go-tak-kon-buku èn dan a tra tron a Tego libi-buku. Te a lezing de fu na Tego libi-buku, dan disi morofuru mu gi na sisa di de nyun ini na waarheid ofu yongu ini yari. Disi sa gi den warti ondrofeni èn meki den kon sabi bunbun na wrokosani disi fu na velddienst. Lezing nr. geregeld sa abi en fundamenti tapu na Tak-go-tak-kon-buku.
4 Aladi ibri wiki wi e sreka wisrefi na tapu na skoro, dan na luku na tapu wan progressief fasi fu na Tak-go-tak-kon-buku sa yepi wi fu kon sabi na inbere fu en moro bun, èn dan moro esi wi sa denki fu gebroiki en efu aksi ofu genstaki e kon. Disi sa yepi wi fu doro wi marki moro bun ini na velddienst; fudi wi „tongo fu, den sma di kisi leri,” sa taki na waarheid nanga moro bigi krakti fu overtoigi sma. — Teki gersi nanga Tori fu den Apostel 17:2, 3.