’Rij gi na afersi foe waarheid’
„Èn go doro ini joe moifasi foe kisi wini; rij gi na aferai foe waarheid èn safri-atifasi èn regtvaardikifasi, èn joe reti-anoe sa gi joe leri ini sani di e gi joe frede.” — PSALM 45:4.
1, 2. (a) Sortoe boskopoe ben seki na psalmsingiman? (b) Foe san-ede na srefi boskopoe moe seki wi?
NA PSALM POËMA-SINGIMAN ben angri sref’srefi foe bigin nanga en singi. Na ferwakti dati wan boen tiri ini anoe foe wan regtvaardiki tiriman di no sa kisi pori ben de foe kon, ben kon de toemsi tranga na ini en. A no ben kan tan tiri. Foedi na psalmsingiman no ben kan horo en moro na inisé, meki a ben bari singi nanga prisiri ini den wortoe di e kon: „Wan switi afersi ben seki mi ati. Mi e taki: ’Mi wroko abi foe doe nanga wan kownoe.’ Meki mi tongo de na skrifitiki foe wan koni skrifiman di e skrifi sani abra” (Psalm 45:1). Na fosi psalm-poëma-singiman dede boen langa kaba. Ma en profétisingi e libi te now ete èn noiti ben kisi moro bigi krakti leki now. — Teki gersi nanga Kolosse 3:16.
2 San sori taki a de a switi afersi di ben seki na ati foe na psalmsingiman? Dati abi foe doe nanga a boen njoensoe foe Gado Kownoekondre. A kownoekondre boskopoe de so ’switi’ dati a ferdini foe „préki tapoe na heri grontapoe pe libisma e libi leki wan kotoigi gi ala natie” bifo „na kaba” foe den natie disi kon (Mattéus 24:14). Na switi thema foe Gado Messias kownoekondre ben seki joe ati na ini a ten disi? Disi moe de so. Foe san-ede? Foedi na Hebrew werkwortoe (ra-chasj’) di vertaal nanga „seki”, e sori tapoe wan boewégi di span èn di de a libi soleki wan watra di e koekoe èn e bori e de ini boewégi. Na werkwortoe abi na prakseri na ini en foe wan sani di foeroe. Èn no frigiti dati wi Tjariman, Jezus Kristus, ben taki: „Foe na ati di foeroe psa marki a mofo e taki” (Lukas 6:45). Joe abi soboen neleki a psalmsingiman wan ati di foeroe te ai psa foe na „switi afersi”? Efoe dati de so, dan noti kan tapoe joe foe singi na waarheid di e kon èn di e psa ala sani: Jezus Kristus e tiri ini Gado Kownoekondre!
Panja na waarheidsingi
3. San de toe moro prenspari fasi di e gebroiki foe panja a boen njoensoe foe a Kownoekondre ini a ten disi?
3 Fa na kownoesingi disi kan kon de foe jere na moro pres? Nanga jepi foe santa jeje na tongo foe na psalmsingiman ben tron leki wan „skrifitiki” ini den anoe foe Jehovah. (Teki gersi nanga 2 Samuël 23:2.) Den poëma ofoe singi foe en sma ben singi sodati ala den anbegiman foe Jehovah foe owroeten ben kan jere den. Na ini a ten disi na tapoe toe srefi sortoe fasi wi kan sori dati wi de fesiman foe feti gi a waarheid foe a kownoekondre foe Gado. Ini a fosi presi nanga wi wortoe di de foe jere nanga jepi foe na publiki préki èn ini a di foe toe presi nanga wi wortoe di de foe lési na ini wi lektuur. Te wi e prati foe dat’ede lektuur di abi den fundamenti tapoe a bijbel, dan wi e ferteri san de na tongo foe den santa man di ben abi Gado jeje ben taki kaba (2 Timóteus 3:16; 2 Petrus 1:20, 21). Èn ini a ten disi na kownoekondre boskopoe panjo ini nomroe èn ini wan nomroe foe tongo èn nanga wan es’esifasi foe san na psalmsingiman noiti be kan tjari dati kon ini en prakseri. Joe abi geregeld wan prati na a panja foe na boskopoe disi, spesroetoe nanga na prati foe den tijdschrift Na Wachttoren nanga Ontwaakt!?
4. (a) Fa Kristus Jezus „de moro moi leki den libisma pikin”? (b) Fa na salfoe waktimanklasse e waka baka na „moifasi foe Kristus mofoboeba”?
4 Na si foe Jehovah kownoe ben gi na psalmsingiman faja foe skrifi san now: „Joe de foe troe moro moi leki den libismapikin. Moifasi ben poti na tapoe joe mofoboeba. Foe dat’ede meki Gado ben blesi joe foe ten di no abi marki” (Psalm 45:2). Foe sensi na dé di Jezus ben kisi salfoe nanga na jeje foe Gado, dan en mofoboeba doronomo ben préki na kownoekondre te leki den libisma wrokosani foe Satan ben tapoe den foe wan pisten. Foe na loyaliteit ede foe Jezus meki Jehovah ben blesi en morofara foe alaten foedi a ben wiki en opo foe dede èn ben hé en tapoe ala tra mekisani (Filipi 2:8-11). Sensi di Jezus kisi glori ini hemel, di a ben tron ’na soifri prenki foe Gado persoon’, a de moro moi leki moro foeroe hé tiriman, efoe a de na mindri libisma efoe a mindri den engel (Hebrewsma 13:4). Now Jezus e gi, leki na kownoe di poti a tapoe a troon, den motoboba foe na salfoe waktiman klasse nanga den kompe foe den na makti foe bari tranga nanga fri foe taki sondro frede na boen njoensoe foe na kownoekondre. Ma na kownoekondre singi disi de ooktoe wan fetisingi.
5, 6. (a) San de ini a tori dati Kristus ’e rij gi na afersi foe waarheid’? (b) Fa na waktimanklasse e meki gebroiki foe Na Wachttoren èn Ontwaakt!?
5 Na psalmsingiman morofara e bari gi na kownoe di e tiri: „Tai joe fetiowroe na joe bowtoe, o maktiman, nanga joe wartifasi nanga joe moifasi. Èn go na ini joe moifasi doro foe wini sani. Rij gi na afersi foe waarheid èn sakafasiè n regtvaardikifasi, èn joe leti-anoe sa leri joe sani di gi frede” (Psalm 45:3, 4). Sensi 1914 Kristus e rij tapoe en feti-asi, klarklari foe trowe ensrefi go na ini na laatste feti (Openbaring 6:1, 2). A weri wan fet’-owroe — na symbool foe fti èn ooktoe foe na makti nanga krakti di Gado gi en foe tjari strafoe kon tapoe den féjanti natie. Kristus feti kaba nanga Satan èn èn ogri-jeje èn ben iti den poeroe foe hemel èn skotoe den go te na a kontren foe na grontapoe. — Openbaring 12:1-13.
6 Ma bifo vrede kon baka, dan na let’anoe foe na kowroe te ai rij na Armageddon ’gi na afersi foe waarheid’ foe pori ala Gado féjanti na grontapoe, sa meki sani doe kon di de moro kefarlek leki a trowe komoto foe hemel foe Satan nanga den ogri-jeje (Psalm 45:4; Openbaring 16:14, 16; 19:17, 18). Kristus gi na salfoe waktimanklasse dek’ati foe meki sma jere na warskow disi ooktoe. San na „waktiman” e gebroiki foe meki en sten kon moro tranga? Moro foeroe den e gebroiki den bladzijde foe Na Wachttoren, na tijdschrift di e teki wan aparti presi ini na meki bekenti foe Jehovah Kownoekondre di opo. Na waktimanklasse de leki wan legre foe sprenka di e soetoe leki kroektoetere, di abi na srefi jeje di ben poesoe Kristus ’foe rij gi na afersi foe waarheid’ (Openbaring 9:7-11). Den meki wan boen gebroiki foe Na Wachttoren èn Ontwaakt!, den tijdschrift di e meki klari na ondro na tiri foe „na waktiman gi na afersi foe waarheid”. — Mattéus 24:45; teki gersi nanga Openbaring 9:6-19.
’Rij gi waarheid’
7. Tapoe sortoe fasi foe feti Na Wachttoren nanga Ontwaakt! e meki na bijbelwaarheid kon a fesi?
7 Moro leki 100 jari Na Wachttoren ben opo feti gi na ’afersi foe kownoekondre waarheid’. Tapoe wan bekwaamfasi a e gebroiki a Wortoe foe Gado leki wan feti-owroe foe piri den boeba poeroe foe falsi leri pe den falsi kerkileri ben domroe na ini. (Teki gersi nanga Efese 6:17; Hebrewsma 4:12). Ooktoe na tijdschrift Ontwaakt! e opo feti gi na afersi foe waarheid. Te ai sori tapoe sani di e psa di de foe algemen belang dan Ontwaakt! e koti leti mindri na sani di domroe lontoe na ini san wetenschappelijk theorie di e afrontoe na bijbel èn kefarlek sociaal nanga moreel tendens de na ini. San wi kan doe foe kan sorgoe dati moro sma ete kisi den tijdschrift disi, sodati den kan jere na kownoekondre boskopoe di e gi libi?
8, 9. Fa na gronprakseri na ini Efese 5:16, te joe gebroiki en a ini a lési foe Na Wachttoren nanga Ontwaakt!, kan jepi joe kon foeroe nanga faja foe teki prati na a tijdschriftwroko? Gi eksempre.
8 Ala sma di lobi waarheid, moe kon „Seki” ofoe, soleki na betekenis foe na Hebrew werkwortoe e meki oen si, moe de foeroe nanga faja foe na boskopoe ini den tijdschrift Na Wachttoren nanga Ontwaakt! (Psalm 45:1). Fa joe kan kon ini sowan toestand? Foe san-ede joe no ben sa lési den tijdschrift disi so esi leki joe kisi den? ’Mi no o lési no wan grontapoe tijdschrift ofoe loekoe moro bifo mi ben lési den tijdschrift foe wi’, Lilian ben teki a bosroiti tin jari psa kaba. A e hori te now ete na a bosroiti dati (Mattéus 6:33). San joe kan doe baka te joe lési den? Taki foe san de na ini nanga tra sma — sma foe joe oso famiri èn foe na gemeente. Disi moesoe gi joe ooktoe faja foe gebroiki den tijdschrift na ini na kotoigiwroko foe ferteri joe birtisma foe den boen sani di joe ben lési. Sondro degedege nanga ala prisiri joe ben sa wani abi wan prati na a gi kotoigi nanga den tijdschrift foe di joe e pristeri den ini joe kontren oso foe oso. Disi joe kan teki gersi nanga a fasi tapoe san na apostel Paulus ben gi „kotoigi finifini”. — Tori foe den Apostel 20:20, 21.
9 Peter nanga en oema Petra ben dini den fo jari di psa leki zendeling ini wan Afrikankondre. Na Wachttoren èn Ontwaakt! e de gi den wan prensparl fonten gi den horidoro na jejefasi. „Na Wachttoren e jepi wi foe tan na ai ini wi gebied”, Petra e taki. „Ibri uitgave foe Na Wachttoren èn Ontwaakt!” Peter e taki moro fara, „èn ibritron te den tijdschrift e kon, ai gersi leki wi kisi wan brifi foe oso.” (Teki gersi nanga Psalm 46:1). Joe abi net so wan dipi warderi gi wi tijdschrift leki Peter nanga Petra èn joe e lesi den net so nanga ala prisiri leki den? Sowan jeje sa tjari joe go so fara foe pristeri geregeld den tijdschrift na den sma, sodati ooktoe den kan lési den.
10. Sortoe fasi de fanowdoe efoe wan sma wani wroko na wan doeltreffend fasi nanga den tijdschrift èn sortoe winimarki a wroko disi abi?
10 Kownoekondre prékiman moe tanapoe positief na fesi na gi kotoigi nanga tijdschrift. Sma di opregti lobi foe dini Gado, e warderi tokoe ete den bodoi ini wi tijdschrift di abi den fundamenti tapoe na bijbel. (Teki gersi nanga Tori foe den apostel 10:15, 30-33.) Foe san-ede? Foedi den no kan kisi den bodoi dati foe no wan enkri tra kontren. Moro leki 45 jari psa kaba. Lars, na ini Zweden, ben kisi wan lo Wachttoren foe wan wrokoman. „San tanapoe na ini, de boen sani” a ben taigi en oema, bakadi a ben lési den. „Na Wachttoren e taki san a bijbel e taki.” San Lars ben lési, ben tjari en go so fara foe teki dopoe na ini maart 1940. Loekoe ete wan eksempre, Toe pionier bedinari foe na zuidsé foe den Verenigde Staten foe Amerkankondre ben taki:
„Na ini a tijdschriftwroko kontakti ben meki nanga wan oema. A de na penningmeester foe wan bigi Baptisten kerki èn ooktoe wan serjoesoe bijbelstudenti. Di a ben lési den lo artikel di ben go foe a thema Armageddon na ini den Wachttorenuitgave foe 1 januari te nanga 15 februari 1985, a ben bréti srefsrefi. Afesi a ben gi omeni joeroe na a ondrosoekoe foe a tori dati, ma a wan enkri sani di a ben feni foe en, ben de na tekst di ben de na ini Openbaring 16:16. A ben aksi na domri foe en: ’San na Armageddon? Joe kan gi wan ferklari foe en?’ A ben loekoe en èn ben taki: ’Dati na wan moeilijk tori’, èn nanga den wortoe dati a ben waka gwe. Na oema ben taki dati Na Wachttoren na a tra sé ben piki ibri aksi foe en èn dati disi de na wan enkri fonten di a feni na ini san den fanowdoe tekst di e go foe na tori foe Armageddon ben poti na ini.”
11. (a) Foe san-ede joe moe poti ten tapoe joe schema foe na wroko nanga tijdschrift, èn omeni ten? (b) A tijdschriftwroko kan de wan jepi gi na bijbelstudiewroko? Ferklari disi. (c) Fa joe ben sa kan prati Na Wachttoren èn Ontwaakt!? Loekoe na fokanti.
11 Joe kan poti na tapoe joe schema moro pikinso wán dé ini wan wiki foe a gi kotoigi nanga den tijdschrift èn meki disi tron wan pisi foe joe jeje routine? (Teki gersi nanga Filipi 3:16.) „Prékiman, èn ooktoe pionier no e gi nofo ten na a tijdschriftwroko”, na bijkantoro foe na Wachttoren Genootschap na ini Nigeria e taki. Ma na gi kotoigi nanga tijdschrift moe meki now a meki foe disipel go a baka? Kontrari foe disi, foe bericht di komoto foe den bijkantoro foe na Genootschap na ini Australië nanga Brazilië e sori dati na prati foe tijdschrift kan de na fosi stap foe go opo bijbelstudie. „mi ben kan go opo dri studie na sma di biginbigin soso ben wani lési den tijdschrift”, wan sisa foe Australiël ben taki. Fa joe kan prati joe tijdschrift di kande kan meki wan bijbelstudie doe kon? Poti ai pikinso tapoe den rai di de ini na fokanti di nen „Versprei tijdschrift”.
Joe ben gebroiki den rai disi?
12. Sortoe rai wan bepaalde prékiman ben gebroiki boen?
12 Ini Wi Kownoekondredienst foe april 1984 wan inlegvel foe fo bladzijde ben de na ini foe a gi kotoigi nanga tijdschrift. Joe ben proeberi den rai di ben gi? Kownoekondre prékiman ben sa doe boen foe lési na inlegvel dati ete wantron pikinso èn poti den rai di ben gi drape na ini na velddienst. Wan sisa na ini den Verenigde Staten ben doe disi, na bakapisi ben de wan switi ferwondroe sani gi en. A e skrifi:
„Mi ben tjari den punt foe prati tijdschrift di tjari kon a krin na ini na uitgave foe maart 1984 (Ingrisitongo) foe Wi Kownoekondredienst [Bakratongo uitgave de april 1984, Sranantongo uitgave de mei 1984] nanga boen winimarki! Ini na heri jari 1983 mi ben prati soso 36 tijdschrift! Mi ben firi misrefi ferferi, no foedi mi ben kan skrifi sowan pikin nomroe foe tijdschrift tapoe mi rapport, ma foedi mi no ben man foe libi den bodoi disi di e gi libi na den sma di abi den so fanowdoe. Mi ben poti na afersi disi ini begi na fesi Jehovah èn ben teki a bosroiti foe doe moro moeiti foe prati Na Wachttoren èn Ontwaakt!. Mi ben poti na ini wroko san den ben gi rai foe poti wan persoonlijk marki foe prati tijdschrift, foe meki gebroiki foe wan sjatoe pristeri na ini san soso wán tijdschrift tjari kon na a prakseri foe den sma, foe hari go geregeld na ini velddienst tapoe tijdschrift dé èn na waarde foe abi wan positief jejefasi. Te na ososma wégri now na pristeri di wi abi foe a moen, dan mi e taki: ’Now, dan mi sa libi den laatste uitgave foe Na Wachttoren nanga Ontwaakt! gi joe foe fotenti [dollar] sensi.’ Den punt disi e doe en boen troetroe. Na ini den laatste fo moen mi ben prati gemiddeld tinafo tijdschrift ini wan moen!
13. Sortoe rai di ben tjari kon a doro na ini 1988 de te now ini a ten disi praktis?
13 Na ini Zion’s Watch Tower foe december 1988 na ondro na ede „Wan rai gi den kotiman” na rai di e kon now ben gi: „Gi foeroe sma a gersi dati na moeilijkheid moro foeroe de ini disi dati na ati foe den de so foeroe nanga na boen njoensoe dati dati e kori den foe ferteri toemsi foeroe foe na plan foe Gado.” Na rai disi te now ete de foe gebroiki? Di den ben aksi san prékiman kan doe foe prati moro tijdschrift, wan kringopziener foe Frankrijk ben piki: „Hori a tori sjatoe. Hori joesrefi na a tori!”
14, 15. Fa den prenki na ini Na Wachttoren èn Ontwaakt! kan gebroiki ini a kotoigiwroko? Gi eksempre.
14 Na ini foeroe foe den tongo na ini san den tijdschrift e kon, den moi prenki ini fo kloroe ben meki dati a kownoekonde-boskopoe ben feni en pasi go na den difrenti sortoe foe sma di a ben miti. Sensi na uitgave foe 8 januari 1987 dan na ini a moro bigi pisi foe den bigi tongo ooktoe Ontwaakt! netleki Na Wachttoren, e druk ini fo kloroe. Joe ben gebroiki den prenki nanga fowtow ini den tijdschrift leki punt foe takmakandra? Foeroe sma ben doe dati èn nanga boen bakapisi. Theresa, di sensi 1976 ben de wan zendelingsisa ini na fara Oostoe, ben doe disi. Ai prati 260 tijdschrift ini wan moen. „Mi e gebroiki den prenki foe meki na edeprakseri foe mi pristeri kon boen a fesi”, a e taki. „Nofotron mi e meki na ososma si soso na fes’sé foe na tijdschrift èn mi e kari na tori foe san ai go, èn a tijdschrift pikinmoro e prati ensrefi.”
15 Kay, wan zendeling sisa na ini Suriname, ben ondrofeni disi ooktoe. En nanga en masra de now drape tin jari èn den e feni den prenki wan toemsi moi jepi ini a gi kotoigi, spesretoe efoe den kon na ini takmakandra nanga hindoe. Foe san-ede? Kay e tjari kon a krin:
”Na hindoebribi de wan bribi na ini san prenki nanga eksempre e pré wan bigi rol. Na wan doro mi ben aksi wan oema: ’Ferteri mi tog pikinso fa den gado foe joe nen tapoe den prenki di joe abi.’
’Disi na Siva’, a oema ben piki.
’Sortoe gado de now na moro hé gado?’ a ben aksi moro fara. No wan piki ben kon. ’Wi sa lési pikinso Jeremia 10:10-12? Sortoe Gado kan taki dati a abi na reti foe de na Mekiman? Soso Jehovah. Wi sabi dati joe lobi foeroe prenki. Den prenki disi na ini Na Wachttoren nanga Ontwaakt! no de moi nanga e wiki belangstelling? Joe no ben sa wani leri foe ferstan sote san den wani taki?
Foe san-ede joe no ben sa proberi na tra tron te joe o wroko nanga tijdschrift den prenki na ini joe takmakandra?
16. Sortoe rai foe wan prékiman ini Hong Kong kande de boen gi joe?
16 Gene, wan zendeling ini Hong Kong, e prati gemiddeld moro leki 300 tijdschrift ini wan moen. Fa ai doe dati?
„Ini a fosi presi, begi Jehovsh foe en blesi tapoe joe tijdschriftwroko. Ini a di foe toe presi go na a ososma na wan positieffasi, nanga wan lafoe fesi èn switifasi. Ini a di foe dri presi de plooibaar, dati wani taki fiti joesrefi na a sma omstandigheid èn soekoe punt foe akroederi nanga sma, Na ini a di foe fo presi bestel nofo tijdschrift gi a heri moen. Mi meki den skrifi mi nen gi wan boen bigi nomroe foedi disi e gi wan ekstra poesoe. Poti na tapoe a di foe féfi presi wan neti ini wan wiki foe a tijdschriftwroko, foedi dan moro sma de na oso èn den e firi densrefi ontspannen. Ini a di foe siksi presi, bigin wan tijdschrift-route, awinsi a de wan pikinwan.”
Bigin wan tijdschriftroute
17. (a) Tapoe sortoe pisi foe tijdschriftwroko na gronprakseri di tanapoe na ini Tori foe den Apostel 15:36 ben sa kan gebroiki? (b) San de ini kondre pe na tjari foe sani nanga postbode no de betrouwbaar de wán fasi tapoe san den prékiman kan prati tijdschrift?
17 „Skrifi sani soifri foe den adres pe tijdschrift ben libi a baka èn go baka geregeld, de wán fasi foe meki a prati foe tijdschrift moro bigi”, Ollie e taki, di e dini ini na Afrikankondre Burkina-Faso. „Mi abi wan tijdschriftroute foe 15 adres. Foedi den tijdschrift no e druk na tapoe na bijkantoro foe Burkina-Faso èn na tjari foe den tijdschrift nanga jepi foe postbode de toemsi onbetrowbaar, meki den kotoigi e kisi den eksemplaar foe prati foe den tijdschrift nofotron ini bigi nomro tegelijk, kande sontron fo ofoe féfi uitgave makandra.” Disi de so toe ini joe kondre? Efoe dati de so, san joe kan doe foe kakafoetoe gi na moeilijk omstandigheid disi foe a prati foe tijdschrift? „Joe kan hori wan eksemplaar foe ibri uitgave ini joe anoe, panja den tijdschrift leki wan wawai èn meki a sma di abi belangstelling soekoe sortoe eksemplaar a ben sa wani lési”, Ollie e taki. „Gewoonlijk den e teki den alamala.”
’Tan meki wan switi afersi seki joe’
18. Sortoe pisi foe velddienstbericht no solanga psa kaba de spesroetoe foe prijse, èn na san wi ben sa kan poti moro prakseri?
18 Nanga den moeiti foe den prékiman makandra meki a nomroe foe abonnement tapoe ala toe tijdschrift gro sref’srefi. Den de foe prijse gi na faja foe den ini a prati na tapoe a fasi disi foe na boen njoensoe. Ooktoe a de wan sani foe prijse dati a nomroe foe tijdschrift di prati ala nanga ala kon moro hé. Ma kande joe kan poti moro prakseri na a prati foe tijdschrift wisrefi. Now di wi e wroko a gebied moro foeroe, dan na nomroe foe tijdschrift di e prati saka gi ibri prékiman. Wi kan, foedi wi e libi na ini na laatste pisi foe a ten foe a kaba kon „seki moro nanga jepi foe na switi afersi” foe na kownoekondre foedi wi e gi kotoigi nanga den tijdschrift. — Psalm 45:1; 1 Petrus 4:7.
19. Tapoe sortoe toe fasi wi kan sori taki wi de fetiman gi na afersi foe kownoekondre waarheid?
19 Na ini kownoekondre moifasi, Kristus e hari es’esi go tapoe na rij foe wini sani foe poti na santa nen foe en Tata kon leti èn foe hori en universele soevereiniteit hé (Openbaring 6:2). Meki wi gebroiki wi sten loyaal, makandra nanga den memre foe na salfoe waktimanklasse, di moksi densrefi na Kristus leki fesiman foe feti gi na waarheid foe na Messias kownoekondre. Ija, meki wi prati na alape Na Wachttoren nanga Ontwaakt! — tijdschrift di e pré wan toemsi prenspari rol ini den ontwikkeling di e psa, now di wi Kownoe ’e rij gi na afersi foe waarheid’. — Psalm 45:4.
Joe kan memre den sani disi?
◻ San na a „switi afersi” di moe seki joe ati?
◻ San na a bakapisi dati Kristus ’e rij gi na afersi foe waarheid’?
◻ Ini sortoe fasi Na Wachttoren nanga Ontwaakt! e dini na ’afersi foe waarheid’?
◻ Fa wi kan poti moro prakseri na a gi kotoigi nanga tijdschrift?
[Faki/Prenki na tapoe bladzijde 8]
VERSPREI TIJDSCHRIFT
Joe ben proeberi disi foe gi kotoigi? —
◆ na oso foe oso;
◆ na strati;
◆ ini bisnis kontren;
◆ nanga jepi foe wan tijdschriftroute;
◆ na mofoneti;
◆ te den e wégri a boekoepristeri;
◆ na go-baka;
◆ foedi joe e fisiti fosten bijbelstudenti;
◆ te joe e reis ofoe te joe e bai sani a wenkri;
◆ te joe e taki nanga famirman, kompe wrokoman, birtisma, skoromati ofoe skoromeester