Meki wan boen gebroiki foe a ten di joe abi
1 Jehovah sabi o prenspari ten de. A wani, taki wi toe abi sabi foe a prensparifasi foe ten. Nanga jepi foe en organisâsi, a e jepi wi foe kan abi sabi o prenspari ten de. Ala ten wi e kisi tranga foe abi „foeroe foe doe na ini a wroko foe Masra” (1 Kor. 15:58). Na a fasi disi, wi kan abi moro boen bakapisi na ini a diniwroko foe Jehovah.
2 Ibriwan foe wi abi a srefi pisi ten foe 168 joeroe ala wiki. O boen wi e gebroiki wi ten? Wi e sori taki, foe a fasi fa Jehovah e si sani taki wi sabi troetroe sortoe ten wi e libi na ini? A de so taki sani di no de prenspari e poeroe wi prakseri?
3 A de prenspari taki wi orga wisrefi boen. Foeroe sma e proeberi foe hori wan lijst nanga den moro foenamkoe sani di den moesoe doe. Den e poti ala sani tapoe a lijst akroederi a prensparifasi foe den. Fa wi kan sabi dati? Bijbel e taki dati wan sma moesoe „si a boen foe ala en tranga wroko” (Preik. 3:13). Son wroko abi moro boen bakapisi leki trawan. Loekoe den bakapisi di ibriwan foe den sa tjari. Joe sa abi foeroe winimarki te a wroko kaba? Joe sa „si boen” foe joe tranga wroko? Efoe dati no de so, dan kande a no de wan toemoesi foenamkoe sani.
4 Na ini wi diniwroko: Wi e warderi en te trawan e kon biten na den velddienst konmakandra, e arki finifini na den rai, èn e go wantewante na a gebied. Wi ben sa wani foe de na ini a preikiwroko foe preiki, na presi foe wakti foe go na ini a gebied. Paulus krinkrin ben si a tranga fanowdoe foe wan boen orde di a ben skrifi: „Meki ala sani pasa boen èn na wan ordefasi.”—1 Kor. 14:40.
5 Te wi de na ini a velddienst, wi kan lasi prenspari ten te wi teki pauze foe dringi sani. Te a weer takroe, wan pauze sa gi wi kowroe-ati èn sa jepi wi foe tan go doro. Tokoe, foeroe sma e froekisi foe tan go doro foe e gi kotoigi na sma èn foe no abi demakandra nanga den brada ini den pauze foe dringi sani tapoe a ten di poti na wan sei gi a diniwroko. Wi moesoe abi balansi na ini a tori disi.
6 „Srefi a redifoetoe . . . sabi den fasti ten foe en” foe froisi, èn a mira e „sreka srefi en njanjan na ini zomer”, so taki a de klariklari gi winter ten, bijbel e taki (Jer. 8:7; Odo 6:6-8). Disi na a sroto foe meki boen gebroiki foe a ten di wi abi. Wisrefi moesoe ’sabi den fasti ten foe wi’. Sondro foe de toemoesi strak, wi moesoe sabi o prenspari ten de. Wi no moesoe sabi nomo san wi abi foe doe, ma so srefi o ten wi moesoe doe en. Wi moesoe kisi a gwenti foe sreka na fesi, ala di wi e hori na prakseri taki kande sani no sa waka so esi leki wi ben wani. Èn wi moesoe de klariklari toe foe no gebroiki foeroe ten gi son aktiviteit so taki wi kan abi moro ten gi moro prenspari sani soleki a sreka di wi e sreka gi den konmakandra, velddienst, nanga den tra theokrasia aktiviteit.
7 Wi wani foe de leki wi hemel Tata, Jehovah Gado, di e leri wi taki „gi ala sani wan fasti ten de” (Preik. 3:1). Te wi e meki boen gebroiki foe wi ten, dan wi kan ’doe wi diniwroko dorodoro’.—2 Tim. 4:5.