Opziener di e teki fesi — A theokrasia diniwroko-skoro opziener
1 A theokrasia diniwroko-skoro opziener na wan man di lepi na jejefasi di e wroko tranga foe taki èn foe gi leri, èn a de wan man di e froedini taki wi gi en grani èn wroko makandra nanga en (1 Tim. 5:17). San na den frantiwortoe foe en?
2 Na en e sorgoe foe a bibliotheek foe a theokrasia diniwroko-skoro na ini a Kownoekondre zaal. A abi troetroe belangstelling foe gi deki-ati na ibriwan sma di bekwaam nofo foe poti den nen na a skoro. A e sorgoe taki wan soifri verslag e hori, so taki toewijzing e gi na wan orde fasi no moro mendri leki dri wiki na fesi foe ibri skorolès. A moesoe sabi a gemeente boen, èn moesoe abi ibri studenti èn a bekwaamfasi foe den na prakseri. Ala di a kan abi wan tra brada di e asisteri en foe sreka a schema gi a skoro, tokoe na a skoro-opziener srefi di e gi den toewijzing na wan joisti fasi.
3 Foe kan gi boen leri na a skoro, dan a skoro-opziener moesoe sreka ensrefi heri boen na fesi ibri wiki, ala di a e loekoe den tori foe den toewijzing finifini. Disi e meki taki a kan jepi a gemeente foe tan abi faja gi a leriprograma, foe loekoe efoe den taki foe ala den tori dati, èn foe poti spesroetoe prakseri tapoe den prenspari penti di sa kon toe na ini den schriftelijk overzicht.
4 Baka ibri oefenlezing, na opziener sa prèise a studenti èn sa froeklari foe san ede wan spesroetoe penti di a abi fanowdoe leki takiman ben boen noso foe san ede a de fanowdoe foe a go na fesi ini a tori dati. Efoe wan sma abi spesroetoe jepi fanowdoe foe sreka den lezing di den gi en foe a hori na a skoro, dan na opziener noso wan sma di na skoro-opziener gi a wroko, kan jepi en.
5 Foe kan kisi ala wini foe a tranga wroko foe a theokrasia diniwroko-skoro opziener nanga ala tra raiman di e wroko ondro en tiri, wi moesoe fisiti a skoro doronomo. So srefi wi moesoe hori ala den lezing di wi kisi leki toewijzing èn poti prakseri te wi e kisi rai èn so srefi te den e gi rai na den tra studenti. Na a fasi disi, dan safrisafri wi sa go na fesi foe man pristeri a Kownoekondre boskopoe na poebliki èn oso foe oso. — Tori. 20:20; 1 Tim. 4:13, 15.