„Fa fu pristeri den tijdschrift na ini . . .”

Ibri mun wi abi wan pisi na a Diniwroko Konmakandra di e sori fa fu pristeri den tijdschrift. A pisi disi a no fu taki fu den artikel na ini den tijdschrift. Na presi fu dati a pisi disi na fu taki na sortu fasi wi kan pristeri den tijdschrift. A brada di e hori a pisi disi musu taki syatu fu wan tu sani na a bigin, fu gi den arkiman deki-ati fu taki fa den o pristeri den tijdschrift. Baka dati a e aksi den arkiman fu taki fa den o gebroiki wán artikel (noso wan tu artikel di e taki fu wán tori) fu pristeri a tijdschrift. Na a fasi disi ala sma kan luku na ini den tijdschrift èn luku sortu eksempre den o gebroiki na ini a preikiwroko. Na presi fu aksi den arkiman fu taki finifini fa den ben o pristeri a tijdschrift, a musu aksi den sortu aksi den o poti fu hari a prakseri fu na ososma. Baka dati a e aksi den sortu Bijbeltekst den o leisi gi na ososma. Na a kaba a e meki wan sma hori demonstrâsi di e sori fa fu pristeri ibriwan fu den tijdschrift. Wi e kisi a deki-ati fu leisi den tijdschrift na fesi èn fu sreka wisrefi fu taki fa wi o pristeri den. Efu wi alamala sreka bun, dan a pisi disi o yepi wi fu gi makandra deki-ati.​—Odo 27:17.