Fa fu du wi diniwroko moro bun​—Preiki na ini bisnis kontren

Fu san ede a prenspari: Fu di furu sma e wroko heri dei, meki a bun fu tyari a Kownukondre boskopu gi den na den wrokope. Wi kan ondrofeni moi sani èn wi kan abi bun bakapisi te wi e preiki na ini bisnis kontren. A de tra fasi leki na oso-fu-oso preikiwroko pe sma no de na oso son leisi. Boiti dati, den wrokoman e taki na wan lespeki fasi nanga sma fu di den e si ibri sma di e kon na a wrokope leki wan klanti. Efu wi wani abi bun bakapisi, dan wi musu sabi fa fu taki na wan lespeki fasi, wi musu luku fosi fa a situwâsi de èn wi musu weri krosi di fiti (2 Kor. 6:3). Dati meki a dienst-opziener musu sabi suma na den preikiman di e preiki na ini bisnis kontren èn omeni leisi den e wroko a kontren dati.