Gebroiki sani di sma kan si

Genesis 15:5

SAN YU MUSU DU: Gebroiki sani di sma kan si fu yepi den fu frustan san yu wani leri den èn fu memre den sani dati.

FA YU KAN DU DISI:

• Sori sma sani di o meki taki den frustan a lezing fu yu moro bun. Gebroiki fowtow, karta noso tra sani fu tyari prenspari penti kon na krin. No gebroiki den fu taki fu pikinpikin sani na ini yu lezing. Sorgu taki den arkiman no memre soso a sani di yu sori den, ma taki den memre sortu prenspari sani yu ben wani leri den.

• Sorgu taki den sma kan si den sani di yu wani sori den. Fu eksempre, efu yu o sori den arkiman wan fowtow, dan sorgu taki a bigi nofo so taki ala sma kan si en.