3 A nen fu Gado poti baka na ini den Kresten Griki Buku fu Bijbel

Na ondrosei yu kan si den 237 presi pe a nen „Yehovah” poti baka na ini a Nyun-Grontapuvertaling fu den Kresten Griki Buku fu Bijbel. Luku „Moro sani” nr. 1, di e taki moro fu a tori disi.

Mateyus 1:20, 22, 24; 2:13, 15, 19; 3:3; 4:4, 7, 10; 5:33; 21:9, 42; 22:37, 44; 23:39; 27:10; 28:2; Markus 1:3; 5:19; 11:9; 12:11, 29 [2 tron], 30, 36; 13:20; Lukas 1:6, 9, 11, 15, 16, 17, 25, 28, 32, 38, 45, 46, 58, 66, 68, 76; 2:9, 9, 15, 22, 23 [2 tron], 24, 26, 39; 3:4; 4:8, 12, 18, 19; 5:17; 10:27; 13:35; 19:38; 20:37, 42; Yohanes 1:23; 6:45; 12:13, 38 [2 tron]; Tori fu den apostel 1:24; 2:20, 21, 25, 34, 39, 47; 3:19, 22; 4:26, 29; 5:9, 19; 7:31, 33, 49, 60; 8:22, 24, 25, 26, 39; 9:31; 10:33; 11:21; 12:7, 11, 17, 23, 24; 13:2, 10, 11, 12, 44, 47, 48, 49; 14:3, 23; 15:17 [2 tron], 35, 36, 40; 16:14, 15, 32; 18:21, 25; 19:20; 21:14; Romesma 4:3, 8; 9:28, 29; 10:13, 16; 11:3, 34; 12:11, 19; 14:4, 6 [3 tron], 8 [3 tron], 11; 15:11; 1 Korentesma 1:31; 2:16; 3:20; 4:4, 19; 7:17; 10:9, 21 [2 tron], 22, 26; 11:32; 14:21; 16:7, 10; 2 Korentesma 3:16, 17 [2 tron], 18 [2 tron]; 6:17, 18; 8:21; 10:17, 18; Galasiasma 3:6; Efeisesma 2:21; 5:17, 19; 6:4, 7, 8; Kolosesma 1:10; 3:13, 16, 22, 23, 24; 1 Tesalonikasma 1:8; 4:6, 15; 5:2; 2 Tesalonikasma 2:2, 13; 3:1; 2 Timoteyus 1:18; 2:19, 19; 4:14; Hebrewsma 2:13; 7:21; 8:2, 8, 9, 10, 11; 10:16, 30; 12:5, 6; 13:6; Yakobus 1:7, 12; 2:23, 23; 3:9; 4:10, 15; 5:4, 10, 11, 11, 14, 15; 1 Petrus 1:25; 3:12, 12; 2 Petrus 2:9, 11; 3:8, 9, 10, 12; Yudas 5, 9, 14; Openbaring 1:8; 4:8, 11; 11:17; 15:3, 4; 16:7; 18:8; 19:6; 21:22; 22:5, 6.

A wortu „Yah” na a syatu fasi fu taki a nen fu Gado. A wortu disi de fu feni na ini a Griki wortu haleloya, èn a de a srefi leki a Hebrew wortu halelu-Yah, di wani taki „Un prèise Yah!”—Openbaring 19:1, 3, 4, 6.

Fu di wi no ben wani fruteri moro leki san skrifi na ini den owruten Bijbel, meki wi luku bun taki den presi pe wi poti a nen fu Gado na ini den Kresten Griki Buku fu Bijbel e kruderi nanga den Hebrew Buku fu Bijbel. Wi gebroiki den Kresten Griki Buku fu Bijbel di vertaal na ini Hebrewtongo fu luku efu den presi pe wi poti a nen fu Gado yoisti. Wi skrifi a nen fu Gado 237 leisi na ini den Kresten Griki Buku fu Bijbel. Na ibriwan fu den 237 presi disi wi ben feni a nen fu Gado na ini difrenti Hebrew Bijbel.

A no de fu taki dati te den fosi Kresten ben e gebroiki a Septuaginta Bijbel, den no ben puru a nen na ini den Bijbel tekst. Na ini wan artikel di ben de na ini a Biblical Archaeology Review fu maart 1978, Professor George Howard ben gi krin buweisi fu horibaka gi a pisi tori disi. Fu eksempre, a e taki fu „wan barinen pisi tori di den Dyu leriman skrifi (Talmud Syabat 13.5)”. A pisi dati „e taki dati sma ben wani pori ala buku di no e kruderi nanga a bribi fu den (kande na buku fu den Dyu Kresten tu)”. Fu san ede den ben wani du dati? „Den buku dati ben abi a nen fu Gado na ini, èn efu den ben o pori ala den buku dati, den ben o pori a nen fu Gado tu.”

Professor Howard ben taki tu: „Di den puru den fo letter fu a nen fu Gado, a kan taki sma kon denki tra fasi fu Gado leki fa den ben e denki fu en na ini a fosi yarihondro di a Nyun Testamenti skrifi. Fu di den Dyu ben e gebroiki a Hebrew nen fu Gado, meki ala ten sma ben kan si krin suma na a Gado fu den Dyu èn suma na den tra gado. Ma di sma puru den fo letter fu a nen fu Gado, disi no ben de so krin fu si moro.”