Longakusho Ngabomagazini

Sicongosekulindza January 1

“Ngicela kukufundzela nali livesi lelijabulisako leliseBhayibhelini. [Fundza Lukha 23:43.] Ucabanga kutsi likuphi leliPharadisi lokukhulunywa ngalo kulelivesi? [Lindzela imphendvulo.] Ekhasini 10 lalomagazini, sitfola imphendvulo lecacile lesekelwe eBhayibhelini.”

Phaphama! January

“Labanye bantfu bacabanga kutsi kuba nekukholwa kusekelwe kakhulu emivelweni kwendlula tizatfu letinengcondvo. Wena ucabangani? [Lindzela imphendvulo.] NgekweliBhayibheli, kuba nekukholwa akukafaneli kwentiwe ngekutsatseka. [Fundza 1 Johane 4:1.] Sihloko lesicala ekhasini 28 sichaza indlela lesingaciniseka ngayo kutsi kukholwa kwetfu kusekelwe etizatfwini leticinile.”

Sicongosekulindza February 1

“Bantfu labanyenti bakholelwa kutsi insimi yase-Edeni imane iyinganekwane. Kungakumangalisa yini kwati kutsi Jesu wakhuluma nga-Adamu na-Eva njengebantfu mbamba? [Lindzela imphendvulo bese ufundza Matewu 19:4-6.] Lomagazini uphendvula imibuto levamile lemayelana nensimi yase-Edeni.”

Phaphama! February

“Kubonakala shengatsi bantfu sebatitsandza kakhulu tindzaba letimayelana nebatsakatsi kanye nebantfu labenta imilingo. Ucabanga kutsi kusebentelana nemimoya akusiyo yini ingoti? [Lindzela imphendvulo.] Naka nasi secwayiso Nkulunkulu lasiniketa ema-Israyeli asendvulo. [Fundza Dutheronomi 18:10-12.] Lomagazini uveta loko liBhayibheli lelikushoko ngekusebentelana nemimoya.”