Sibonelo Setinshumayelo Lesingatisebentisa

Kucalisa Tifundvo TeliBhayibheli NgeMgcibelo Wekucala ku-February

“Ucabanga kutsi yini lengenta umndeni ujabule? [Lindzela imphendvulo] Lesihloko siveta lamanye emaphuzu lajabulisako.” Niketa umnikati welikhaya ikhophi yeSicongosekulindza ya-January-March, bese nifundza niphindze nicoce ngemaphuzu langephansi kwasinye setihlokwana letisemakhasini 16-17. Fundza lokungenani munye umbhalo lokhonjiwe. Mshiyele labomagazini uphindze uhlele kubuya kute nitowucoca ngalomunye walemibuto lekulamakhasi.

Sicongosekulindza January-March

“Kuletinye tindzawo, kulukhuni ngabobabe kutsi basondzelane nemadvodzana abo. Ucabanga kutsi kungani kunjalo? [Lindzela imphendvulo bese ufundza Efesu 6:4] Lomagazini uphetse emaphuzu langasita bobabe kute babe nebuhlobo lobuhle nemadvodzana abo.” Mkhombise sihloko lesisekhasini 26.

Phaphama! February

Bantfu labanyenti lamuhla bayakujabulela kuchumana nalabanye ngetinhlelo tekuchumana te-Internet. Ucabanga kutsi tikhona yini tingoti kuloluhlobo lwekuchumana? [Lindzela imphendvulo.] LiBhayibheli licuketse timiso letingenta kuphephe kuchumana ngalendlela. [Vula emakhasi 6-9, bese nicoca ngembuto munye kanye nembhalo lokhonjiwe.] Lomagazini utakusita kutsi ubone tingoti tekuchumana ngetinhlelo te-internet uphindze ukwati nekutibalekela.”