Tinshumayelo Letisibonelo Lesingatisebentisa
Kucalisa Tifundvo TeliBhayibheli NgeMgcibelo Wekucala Ku-July
“Cishe bonkhe bantfu lesikhuluma nabo bafisa kutsi umhlaba ube nekuthula. Umhlaba kodvwa solo unetimphi. Yini lebangela kutsi kube matima kuletsa kuthula emhlabeni?” [Lindzela imphendvulo.] Ngemuva kwaloko vula likhasi 16 le-Sicongosekulindza sa-July-August, bese nicoca ngekwatisa lokusembutweni wekucala kanye nembhalo munye lokhonjiwe. Mnikete lobomagazini bese uhlela kubuya nitewucoca ngembuto lolandzelako.
Phawula: Lenshumayelo kumelwe kwentiwe umboniso wayo emhlanganweni lochutjwa kusengakayiwa ensimini nga-July 6.
Sicongosekulindza July–August
“Sivakashela bantfu labahlala kulendzawo kute sicoce nabo kafishane ngenkinga levamile. Bantfu labanengi bake babandlululwa. Ucabanga kutsi ikhona yini indzawo lete lubandlululo lapha emhlabeni? [Lindzela imphendvulo.] Naka kutsi Nkulunkulu ubatsatsa njani bonkhe bantfu. [Fundza Imisebenti 10:34.] Lomagazini ukhuluma ngendlela Nkulunkulu layocedza ngayo lubandlululo.”
Phaphama! July
“Sivakashela bomakhelwane betfu kute sicoce nabo mayelana nekuhlaneketelwa kwemtsetfo—lokuyinkinga lekhatsata kakhulu. Labanye bantfu balwisana nalenkinga ngekutsi babhikishe. Ucabanga kutsi bantfu lababhikishako bayakhona yini kuletsa tingucuko? [Lindzela imphendvulo.] Buka kutsi liBhayibheli litsi yini letawuletsa lushintjo lolungulonalona lapha emhlabeni. [Fundza Matewu 6:9, 10.] Lomagazini uphendvula umbuto lotsi, “Ingabe Ukubhikisha Kuyikhambi?”
Tindzaba Letimnandzi Letivela KuNkulunkulu!
“Sivakashela imindeni lehlala kulendzawo kuze sitowucoca nayo ngeliphuzu lelikhutsatako leliseBhayibhelini. Bantfu labanyenti lesike sacoca nabo bayatibuta kutsi kubangelwa yini kutsi Nkulunkulu lonelutsandvo avumele kuhlupheka lokungaka emhlabeni. Ucabanga kutsi Nkulunkulu abevele ahlose kutsi umhlaba ugcwale kuhlupheka yini?” Lindzela imphendvulo. Ngemuva kwaloko, vula likhasi-5 lalencwadzi bese nicoca ngetigaba letimbili tekucala niphindze nifundze nemibhalo lebhalwe yatjekiswa. Mnikete lencwadzi, bese uhlela kuphindze ubuye nitowucoca ngembuto lolandzelako lobhalwe ngemagama lagcamile.