Umkhankaso Lokhetsekile Wekumemetela NgeMbuso WaNkulunkulu NgaSeptember!

NgaSeptember, sitawenta umetamo lokhetsekile wekutjela bantfu kutsi uMbuso waNkulunkulu ukuphela kwelikhambi letinkinga tebantfu. (Mat 24:14) Ungaba njani nencenye kulomkhankaso? Fundzela bantfu labanyenti umbhalo lomayelana neMbuso waNkulunkulu kulenyanga. Nangabe lotsite akhombisa kutsi uyakutsandza loku lenicoca ngako, mnikete Sicongosekulindza No. 2 2020. Buyela kulomuntfu ngekushesha, bese wetama kucalisa sifundvo seliBhayibheli usebentisa incwajana letsi Jabulela Kuphila Kuze Kube Phakadze! Bonkhe labangemahlahlandlela lasitako ngenyanga yaSeptember bangakhetsa kusebenta ema-awa langu-15 nobe langu-30.

Madvutane uMbuso waNkulunkulu utawubhubhisa bonkhe bohulumende labawuphikisako. (Dan 2:44; 1Kt 15:24, 25) Shengatsi singalisebentisa ngalokugcwele lelitfuba kute sikhombise kutsi sisekela Jehova kanye neMbuso wakhe!