I-Watchtower ONLINE LIBRARY
I-Watchtower ONLINE LIBRARY
WeSicongosekulindza
SiSwati
  • LIBHAYIBHELI
  • LOKUTFOLAKALAKO
  • IMIHLANGANO
  • lfb sifundvo 17 likh. 46-likh. 47 sig. 2
  • Mosi Wakhetsa Kukhonta Jehova

Kute i-video kulolokukhetsile.

Siyacolisa. Kube nenkinga nayisavuleka le-video.

  • Mosi Wakhetsa Kukhonta Jehova
  • Tifundvo Longatifundza EBhayibhelini
  • Tincwadzi Letinemaphuzu Lafanako
  • Indlela Luswane LolunguMosi Lolwasindziswa Ngayo
    INcwadzi Yami Yetindzaba TeliBhayibheli
  • INkhosi Lembi Ibusa EGibhithe
    INcwadzi Yami Yetindzaba TeliBhayibheli
  • Lokwenta Mosi Wabaleka
    INcwadzi Yami Yetindzaba TeliBhayibheli
  • Nkulunkulu Ukhulula Bantfwana Baka-Israyeli
    LiBhayibheli—Ngumuphi Umlayeto Leliwucuketse?
Veta Lokwengetiwe
Tifundvo Longatifundza EBhayibhelini
lfb sifundvo 17 likh. 46-likh. 47 sig. 2
Mosi utfolwa yindvodzakati yaFaro ngesikhatsi Miriyamu amgadzile

SIFUNDVO 17

Mosi Wakhetsa Kukhonta Jehova

Ngesikhatsi uhlala eGibhithe umndeni waJakobe bewatiwa ngekutsi ngema-Israyeli. Nasebafile boJakobe naJosefa, kwase kubusa lomunye Faro. Abesaba kutsi ema-Israyeli sewaba nemandla kwendlula emaGibhithe. Ngako loFaro wenta ema-Israyeli tigcili. Abewafolomisa titini futsi awentisa imisebenti yasemasimini. Ema-Israyeli andza kakhulu ngesikhatsi emaGibhithe awaphocelela kutsi asebente kamatima. Ngenca yekutsi Faro abengakutsandzi loko, wakhipha umyalo wekutsi tonkhe tinswane tebafana tema-Israyeli tibulawe. Ucabanga kutsi abesaba kangakanani ema-Israyeli?

Jokhebedi umfati longum-Israyeli abenemntfwana lomuhle longumfana. Kuze amvikele wamfaka ebhasikidini futsi wamfihla emhlangeni losemfuleni iNayili. Miriyamu dzadzewabo loluswane abeme dvutane, entela kubuka kutsi kutakwentekani kulo.

Indvodzakati yaFaro beyiyogeza emfuleni futsi yabona lebhasikidi. Yatfola kuneluswane lwemfana, lukhala futsi yaluhawukela. Miriyamu wabuta watsi: ‘Ngingakulandzela yini make lotakumunyisela lomntfwana aphindze amnakekele?’ Ngesikhatsi indvodzakati yaFaro itsi angahamba, Miriyamu walandza Jokhebedi, make waloluswane. Indvodzakati yaFaro yatsi kuJokhebedi: “Tsatsa lomntfwana ungimunyisele yena uphindze umnakekele, mine ngitakubhadala.”

Mosi uyabaleka

Watsi nasakhulakhulile lomntfwana, Jokhebedi wamtsatsa wammikisa kulendvodzakati yaFaro leyametsa yatsi nguMosi futsi yamkhulisa waba ngewayo. Mosi wakhula njengemntfwanenkhosi futsi abetfola noma yini layifunako. Kodvwa Mosi akazange amkhohlwe Jehova. Bekati kutsi ungum-Israyeli hhayi umGibhithe futsi wakhetsa kukhonta Jehova.

Ngesikhatsi aneminyaka lengu-40, Mosi wancuma kusita bantfu bakubo. Watsi nakabona umGibhithe ashaya um-Israyeli, Mosi washaya lomGibhithe, wambulala wase ummbela esihlabatsini. Watsi Faro nakayiva lendzaba wafuna kubulala Mosi. Kodvwa Mosi wabaleka wayewuhlala eveni lakaMidiyani. Jehova abemnakekela lapho.

“Ngekukholwa,  . . Mosi . . . wala kubitwa ngekutsi uyindvodzana yendvodzakati yaFaro, wakhetsa kuhlushwa nebantfu baNkulunkulu.”​—KumaHebheru 11:24, 25

Imibuto: Abephatfwa njani ema-Israyeli ngesikhatsi aseGibhithe? Wabalekelani Mosi eGibhithe?

Genesisi 49:33; Eksodusi 1:1-14, 22; 2:1-15; Imisebenti 7:17-29; KumaHebheru 11:23-27

    Tincwadzi TesiSwati (2002-2025)
    Phuma
    Ngena
    • SiSwati
    • Share
    • Khetsa Lokufunako
    • Copyright © 2025 I-Watch Tower Bible and Tract Society of Pennsylvania
    • Imibandzela Yekuyisebentisa
    • Kusetjentiswa Kwemininingwane Yakho
    • Privacy Settings
    • JW.ORG
    • Ngena
    Share