Sibonelo Setinshumayelo Lesingatisebentisa

Kucalisa Tifundvo TeliBhayibheli NgeMgcibelo Wekucala ku-March

“Bantfu labanyenti lamuhla bayadivosa. Ucabangani wena, kudivosa kulikhambi yini nangabe ungajabuli emshadweni? Lindzela imphendvulo. Niketa lococa naye Sicongosekulindza sa-January-March 2012 bese nicoca ngembuto wesitsatfu ekhasini-16, nifundze lokungenani munye umbhalo. Hlela kubuyela kute nicoce ngembuto lolandzelako.”

Sicongosekulindza January-March

“Bantfu labanyenti bacabanga kutsi lesitselo lesasisensimini yase-Edeni lebekungakafaneli sidliwe besimelela kuya ecasini. Ucabangani? [Lindzela imphendvulo.] Asewunake naku lokushiwo liBhayibheli kuGenesisi 1:28. [Fundza.] Nkulunkulu waniketa bo-Adamu na-Eva umyalo wekutsi bagcwalise umhlaba, lokwakudzinga kutsi baye ecasini. Sihloko lesisekhasini-4 kulomagazini sikhuluma kabanti ngalendzaba.”

Phaphama! March

“Sicoca nabomakhelwane betfu ngemkhuba lokhatsatako. Kubonakala shengatsi kuyandza kutfukutsela kwebantfu lamuhla futsi basheshe bacansuke. Ucabanga kutsi kubangelwa yini loko? [Lindzela imphendvulo.] Ase unake naku lokushiwo liBhayibheli ngentfukutselo. [Fundza Tihlabelelo 37:8.] Lomagazini ukhuluma ngaletinye tetizatfu letenta kwandze kutfukutsela kwebantfu lamuhla, kanye netindlela tekulawula intfukutselo yetfu.”