Tinshumayelo Letisibonelo Lesingatisebentisa

Lesingakusho nasihambisa simemo

“Sawubona. Siletsele wena nalohlala nabo nasi simemo semkhosi lobalulekile lokhunjulwa minyaka yonkhe emhlabeni wonkhe lotawube ungemhlaka-26 March. Ngalelo langa sitawube sikhumbula kufa kwaJesu. Kutawuba nenkhulumo yeliBhayibheli lechaza indlela kufa kwaJesu lokusisita ngayo futsi kungenwa mahhala. Indzawo nesikhatsi seSikhumbuto kubhaliwe kulesimemo.”

Sicongosekulindza March-April

“Singatsandza kuva umbono wakho mayelana nemuntfu lotsite lohlonishwa kakhulu ngemaKhristu. Lowo muntfu nguMosi. Yini lefika kucala engcondvweni yakho nawuva libito lakhe? [Lindzela imphendvulo.] Nanobe awenta emaphutsa iyajabulisa indlela lelimchaza ngayo liBhayibheli. [Fundza Dutheronomi 34:10-12.] Lomagazini ukhuluma ngetintfo letinhle letintsatfu letichaza bunguye bakhe kanye nendlela lesingamlingisa ngayo.”

Phaphama! March

“Uyavumelana yini nami kutsi kumatima kukhulisa bantfwana kulesikhatsi sanyalo? [Lindzela imphendvulo.] Batali labanyenti batfole seluleko lesilusito eBhayibhelini. Nasi nje sibonelo, lelivesi lisita bobabe kutsi badvumise bantfwababo baphindze babente batetsembe. [Fundza Kholose 3:21.] Lesihloko sikhuluma ngetintfo letisihlanu letingasita bobabe.”