Tinshumayelo Letisibonelo Lesingatisebentisa

Lesingakusho Nasihambisa Simemo SeSikhumbuto

“Sawubona. Siniketa bonkhe bantfu nasi simemo semkhosi lobalulekile lokhunjulwa minyaka yonkhe emhlabeni wonkhe lotawube umhlaka 14 April. Ngalelo langa sitawube sikhumbula kufa kwaJesu Khristu. Kutawuba nenkhulumo yeliBhayibheli yamahhala lechaza indlela kufa kwaJesu lokusisita ngayo. Indzawo nesikhatsi seSikhumbuto kubhalwe kulesimemo.”

Sicongosekulindza March-April

“Bantfu labanengi bacabanga kutsi kufa siphetfo sako konkhe. Wena ucabangani? [Lindzela imphendvulo.] LiBhayibheli lisetsembisa loko lokutawenteka kulabatsandzekako betfu labafile. [Fundza Danyela 12:2a] Sihloko lesisekhasini 6 kulomagazini sichaza kutsi kufa akusiso siphetfo sako konkhe.”

Phaphama! April

“Sinivakashele kute sitonisita ngenkinga leseyivamile. Labanye bantfu labatfwele matima ekuphileni baze bacabange ngisho nekutibulala. Umuntfu nakacindzeteleke ngaleyo ndlela, ucabanga kutsi vele usuke afisa kufa nome ucabanga kutsi usuke afuna kukhululeka kuloko labhekene nako? [Lindzela imphendvulo.] Nasi setsembiso seliBhayibheli lesiye sasita bantfu labanyenti kutsi babe nembono lokahle ngalendzaba. [Fundza Sembulo 21:3, 4.] Lomagazini ukhuluma ngetizatfu letintsatfu letingasita umuntfu kutsi achubeke aphila ngetulu kwetinkinga labhekene nato.”