Tinshumayelo Letisibonelo Lesingatisebentisa

Kucalisa Tifundvo TeliBhayibheli NgeMgcibelo Wekucala Ku-March

“Bantfu labanyenti banawo emaBhayibheli. Sati kanjani kutsi lokubhalwe eBhayibhelini kuvela kuNkulunkulu?” [Lindzela imphendvulo.] Khombisa lococa naye sihloko lesitsi “Imibuto YeliBhayibheli Iyaphendvulwa” ku-Sicongosekulindza sanga-March-April nicoce ngekwatiswa lokungephansi kwembuto wekucala bese nifundza lokungenani munye umbhalo lokhonjiwe. Mnikete lomagazini, uhlele kubuya nitewucoca ngembuto lolandzelako.

The Watchtower March-April

“Bantfu labanyenti bayesaba kufa. Uyesaba yini nawe? [Lindzela imphendvulo.] Ngingatsandza kukukhombisa loko liBhayibheli lelitsi kutawenteka ngekufa. [Fundza Isaya 25:8.] Lomagazini uyachaza kutsi kungani singenaso sifiso sekufa nekutsi kutawentekani kuko.”

Awake! March

“Sikuvakashele sikhashana kute silungise indlela lengesiyo bantfu labanyenti labayaye balitsatse ngayo nali livesi leliBhayibheli. [Fundza Genesisi 1:1.] Labanye bantfu bayakukholelwa kutsi lizulu nemhlaba kwadalwa, kodvwa labanye bayakuphika loko. Ngicela kuva kutsi utsini wakho umbono. [Lindzela imphendvulo.] Bantfu labanyenti bakutfola kumatima kukholelwa endalweni ngobe baholi betinkholo bafundzisa intfo lengashiwo liBhayibheli. Lomagazini ukhuluma ngenchazelo leseBhayibhelini lenengcondvo futsi lesingayikholelwa, lemayelana nemvelaphi yelizulu nemhlaba.”