Tinshumayelo Letisibonelo Lesingatisebentisa

Lesingakusho Nasihambisa Simemo SeSikhumbuto

“Sinika bantfu nasi simemo lesibamemela emkhosini lobaluleke kakhulu. Nga-April 3, tigidzi tebantfu emhlabeni wonkhe titawuhlangana kute tikhumbule kufa kwaJesu Khristu futsi tilalele mahhala nenkhulumo lechaza kutsi lokufa kwakhe kusizuzisa njani. Lesimemo sinesikhatsi nendzawo lapho sitawube sibambele khona lomkhosi landzaweni yakitsi.”

Sicongosekulindza March-April

“Kunabohulumende labanyenti emhlabeni, ucabanga kutsi uyoke ube khona yini hulumende munye emhlabeni lotawenta tonkhe tive tibe nebunye?” [Lindzela imphendvulo.] Mkhombise likhasi lelingemuva le-Sicongosekulindza saMarch-April bese nicoca ngemaphuzu langephansi kwembuto wekucala, nifundze lokungenani munye umbhalo lokhonjiwe. Mnike lomagazini bese niyahlela kutsi uphindze ubuye.

Phaphama! March

“Sivakashela bomakhelwane betfu kafishane kute sibakhombise nayi i-“Phaphama!” lensha. [Mkhombise likhasi lelingephandle lalomagazini.] Wonkhe umuntfu unewakhe umbono kunangu umbuto wekucala lotsi: ‘Ukhona yini Nkulunkulu?’ Ucabanga kutsi ngubaphi bantfu labanembono lokahle ngelikusasa, ngulabo labakholelwa kuNkulunkulu yini nobe ngulabo labangakholelwa kuYe? [Lindzela imphendvulo.] Nasi setsembiso lesivela kuNkulunkulu lesiniketa bantfu labanyenti litsemba. [Fundza Tihlabelelo 37:10, 11.] Lomagazini uveta tizatfu letine letisenta sifune bufakazi bekutsi Nkulunkulu ukhona mbamba yini.”