Tinshumayelo Letisibonelo Lesingatisebentisa

I-Kingdom News No. 38

“Nami ngingulomunye walabahlanganyela emkhankasweni lowentiwa emhlabeni wonkhe wekusakata nangu umlayeto lobalulekile. Ngicela kukupha nayi ikhophi.”

Caphela: Kute sikhone kuhlanganisa insimi yonkhe, singakhulumi kakhulu. Nobe kunjalo, ngaletinye tikhatsi umnikati welikhaya angakhombisa kutsandza kufundza futsi abe nesifiso sekutsi nichubeke nicoca. Nangabe kunjalo, ungambuta kutsi uyini umbono wakhe ngalombuto losekucaleni bese umfundzela imphendvulo yeliBhayibheli lesekhatsi, nangabe sikhatsi sivuma, fundzani incenyana letsite yalokwatiswa lokukulelipheshana. Usengakahambi, mkhombise umbuto longaphansi kwalesihlokwana lesitsi “Lesingacabanga Ngako,” longemuva kwalelipheshana bese uhlela kubuya kute nicoce ngawo.

Sicongosekulindza November-December

“Sinivakashele ngobe bantfu labanyeti bayatibuta kutsi kungani Nkulunkulu avumele kuhlupheka lokungaka. Uke watibuta yini lombuto? [Lindzela imphendvulo.] Kuyajabulisa kutsi liBhayibheli letsembisa kutsi kutawufika sikhatsi lapho kulila nebuhlungu kutawube kungasekho. [Fundza Sembulo 21:4.] Lomagazini uchaza tizatfu letisihlanu letimcoka letikhomba kutsi kungani kunekuhlupheka lokungaka lamuhla. Uphindze ukhombise loko lokushiwo liBhayibheli ngendlela Nkulunkulu latakucedza ngayo kuhlupheka.”

Phaphama! November

“Sinivakashele nje kafishane ngobe bantfu labanyenti bakhatsateke ngekuhhohloka kwesimilo. Ucabanga kutsi bantfu sebalehlisile yini lizinga lesimilo sabo? [Lindzela imphendvulo.] Libhayibheli lasho kutsi simo singcondvo sebantfu nendlela yabo yekwenta tintfo beyitawushintja. [Fundza 2 Thimothi 3:1-5.] Lomagazini ukhuluma ngekutsi kungani kufanele setsembe timiso tekuba nesimilo lesihle letitfolakala eBhayibhelini.”