Tingoma TeMbuso Tiyasikhutsata

BoPawula naSilasi badvumisa Nkulunkulu ngetingoma ngesikhatsi baboshiwe. (Imi 16:25) Lamanye emaKhristu abehlabela tingoma teMbuso ngesikhatsi aseSachsenhausen enkambu yekuhlushwa yemaNazi leseJalimane nangesikhatsi atfunjelwe eSiberia. Letibonelo tikhombisa kutsi tingoma tinemandla ekusita emaKhristu labhekene neluvivinyo kutsi abe nesibindzi.

Ngekushesha letinye tilwimi titawuba neliculo lelisha lelinesihloko lesitsi “ ‘Sing Out Joyfully’ to Jehovah.” Nasesinalo leliculo, singatikhumbuta lamagama ngekutsi siphrakthize letingoma ekukhonteni kwemndeni. (Efe 5:19) Umoya longcwele utasisita kutsi sitikhumbule letingoma nasibhekana neluvivinyo. Tingoma teMbuso tingasisita sihlale sinake umvuzo. Tingasikhutsata nasivivinywa. Nasitiva sijabulile, lamagama lamnandzi angasenta ‘sitihlabele ngekujabula’ letingoma. (1Khr 15:16; Hla 33:1-3) Shengatsi sonkhe singatihlabela ngemdlandla letingoma tetfu teMbuso!

BUKELA I-VIDEO LETSI INGOMA LEYAKHUTSATA BAZALWANE, BESE NIPHENDVULA NAYI IMIBUTO LELANDZELAKO:

• Ngutiphi timo letenta umzalwane Frost wacamba ingoma?

• Lengoma yabakhutsata njani bazalwane lebebasenkambu yekuhlushwa eSachsenhausen?

• Tingoma teMbuso tingakucinisa kutiphi timo tamalanga onkhe?

• Nguyiphi ingoma yeMbuso longatsandza kuyati ngenhloko?