Indlela Yekudadisha

Tati Ngengcondvo Tingoma Tetfu

“Nangitiva ngingasilutfo, Jehova ungikhutsata ngetingoma letiseMsakatweni we-JW.”​—Lorraine, U.S.A.

‘Tingoma tekukhonta Nkulunkulu’ betisolo tiyincenye yekumkhonta. (Khol. 3:16) Nawutati ngengcondvo letingoma, loko kutakusita kutsi ukhone kutihlabela ngisho ute liculo nobe intfo yebuchwephesha. Yetama naku lokulandzelako lokungakusita kutsi utibambe ngengcondvo.

• Wafundze ngekucophelela emagama engoma kuze ucondze kutsi isho kutsini. Usheshe uyikhumbule intfo nangabe wati kutsi isho kutsini. Emagama ato tonkhe tingoma, lokufaka ekhatsi teMsakato we-JW kanye netebantfwana, ayatfolakala ku jw.org. Chafata lakubhalwe kutsi Luhla Lwetintfo Letitfolakalako, bese uchafata lakutsi khona Umculo.

• Bhala emagama engoma ngesandla. Loko kutakusita kutsi uwakhumbule emagama alengoma.​—Dut. 17:18.

• Phrakthiza ngekutsi uhlabele uphumisele. Fundza nobe uhlabele lengoma tikhatsi letinyenti.

• Buka kutsi usakhumbula yini. Yetama kukhumbula lamagama ube ungawabuki, bese uyabuka kutsi angakanani lowakhumbulile.