Yemukela Lusito Lwebazalwane

Jehova usiniketa lusito asebentisa bazalwane nabodzadze. (1Ph 5:9) Bangasisita kutsi sibeketele futsi sikhone kuncoba tinkinga letiba khona emsebentini wekushumayela. Ngekwesibonelo nje, umphostoli Pawula wazuza ngekutfola lusito ku-Akhwila naPhrisila, Silasi, Thimothi kanye nalabanye.—Imi 18:1-5.

Bazalwane bangakusita njani emsebentini wekushumayela? Bangakukhombisa tindlela tekuphendvula kuphikiswa, kubuyela kubantfu lesicoce nabo, kanye nekucalisa nekudadisha nebantfu liBhayibheli. (1Kt 3:6) Cabanga ngalotsite ebandleni lokulo longakuniketa lusito loludzingako, bese umcela kutsi akusite. Asingabati kutsi nobabili nitawuzuza futsi nijabule.—Tag 27:17; Flp 1:25.

BUKELA I-VIDEO LETSI TFOLA INJABULO EKWENTENI BAFUNDZI—YEMUKELA LUSITO LOLUVELA KUJEHOVA—BAZALWANE BETFU, BESE NIPHENDVULA LEMIBUTO LELANDZELAKO:

• 

  Neeta wetame njani kukhutsata Jade kutsi aye emhlanganweni welibandla?

• 

  Kungani kufanele simeme labanye bamemeteli kutsi babe khona nasiyodadisha nebantfu liBhayibheli?

• 

  Yini lebebafana ngayo boJade nadzadze Bhembe?

• Ngumaphi emakhono labangakufundzisa wona bazalwane emsebentini wekushumayela?