Ungasitfola kuphi sicondziso longasetsemba lamuhla?
Kulelive lelishintjashintjako, yini lengasenta siciniseke kutsi tincumo lesitentako titawuba nemiphumela lemihle? Singaciniseka njani kutsi loko lokutsatfwa njengalokukahle lamuhla, kutawube solo kwemukeleka nakusasa?
LiBhayibheli lingakusita wente tincumo longeke uze utisole ngato. Lingakwenta njani loko? LiBhayibheli liyincwadzi levela kuMdali wetfu futsi yena uyakwati loko lokungasenta sijabule futsi sitive silondzekile.
“Ukutjelile kutsi yini lenhle.”—Mikha 6:8.
Singasetsemba seluleko lesilusito nalesihlakaniphile lesitfolakala eBhayibhelini. ‘Sihlale setsembekile futsi sitawuchubeka sinjalo kuze kube phakadze.’—Tihlabelelo 111:8.
Tihlolele wena kutsi liBhayibheli lingakusita njani kulelive lelishintjashintjako.