Indlela Yekusebentisa Emaphuzu Iyakhanya

Taga 3:21

LOKUFANELE UKWENTE: Sita labakulalele babone kutsi loko lokhuluma ngako kukutsintsa njani kuphila kwabo, futsi ubakhombise kutsi bangakusebentisa njani loko labakufundzako.

INDLELA YEKUKWENTA:

• Cabanga ngalabakulalele. Cabangisisa ngekutsi kubaluleke ngani kutsi labakulalele beve loko lotawube ukhuluma ngako, futsi unake kutsi yini lengabasita mbamba.

• Kuyo yonkhe inkhulumo yakho, sita labakulalele babone kutsi bangakusebentisa njani loko lokushoko. Usacala nje inkhulumo yakho, bonkhe labakulalele kufanele babone kutsi loko lokushoko bangakusebenta njani. Njengoba utfutfukisa liphuzu ngalinye, chaza kutsi lokushoko bangakusebentisa njani ekuphileni kwabo. Condza endzabeni, ungagegi.