Litsini Libhayibheli?

Uyini uMbuso waNkulunkulu?

LABANYE BANTFU BATSI usetinhlitinyweni tabo, kantsi labanye bacabanga kutsi yimetamo bantfu labayentako yekuletsa kuthula nebunye emhlabeni. Wena ucabangani?

LOKUSHIWO LIBHAYIBHELI

“Nkulunkulu welizulu uyawumisa umbuso longasoze wabhujiswa lutfo. . . . Uyawupitjita yonkhe leminye imibuso [yebantfu] uyicedze.” (Danyela 2:44) UMbuso waNkulunkulu unguhulumende mbamba.

KUKHONA YINI LOKUNYE LIBHAYIBHELI LELIKUSHOKO NGALENDZABA?

• UMbuso waNkulunkulu uyabusa ezulwini.​—Matewu 10:7; Lukha 10:9.

• Nkulunkulu usebentisa uMbuso wakhe kute afeze injongo yakhe ezulwini nasemhlabeni.​—Matewu 6:10.

Utawufika nini uMbuso waNkulunkulu?

UNGAPHENDVULA UTSINI?

• Kute lowatiko

• Masinyane

• Awuyuze ufike

LOKUSHIWO LIBHAYIBHELI

“Letindzaba letimnandzi teMbuso tiyawushunyayelwa emhlabeni wonkhe, kuze kube bufakazi etiveni tonkhe, bese-ke kuphela kuyefika.” (Matewu 24:14) Nangabe tindzaba letimnandzi setishunyayelwe emhlabeni wonkhe, uMbuso waNkulunkulu utawubese uyefika ubhubhise bonkhe bantfu lababi.

KUKHONA YINI LOKUNYE LIBHAYIBHELI LELIKUSHOKO NGALENDZABA?

• Kute lowatiko kutsi uMbuso waNkulunkulu uyofika nini.​—Matewu 24:36.

• Tiphrofetho teliBhayibheli titsi sewusedvute.​—Matewu 24:3, 7, 12.