Selelekela sa Karolo ya 9

Karolong ena re tlo ithuta ka batho ba akarelletsang batjha, baprofeta le marena, ba ileng ba bontsha ka tsela e ikgethang hore ba tshepa Jehova. Ho ne ho ena le ngwanana wa Moiseraele ya neng a dula Siria. O ne a dumela hore moprofeta wa Jehova a ka fodisa Naamane. Moprofeta Elisha o ne a kgodisehile hore Jehova o tla mo sireletsa ho ba direng. Moprista ya Phahameng Jehojada o ile a ipeha kotsing e le hore a sireletse Joase ho nkgono wa hae ya kgopo ya bitswang Athalia. Morena Ezekiase o ne a dumela hore Jehova o tla sireletsa Jerusalema, ka hoo a hana ho inehela ho Baasiria. Morena Josiase o ile a fedisa borapedi ba ditshwantsho naheng ya habo, a tsosolosa tempele mme a thusa setjhaba sa habo hore se kgutlele borapeding ba nnete.