Dipaki Tsa Jehova di bolela ditaba tse molemo haufi le Monrovia, Liberia

Mehlala ya Seo o ka se Buang le Batho

●○○ LEETO LA PELE

Potso: Na Bibele e ntse e le molemo mehleng ya rona?

Lengolo: 2Ti 3:16

Nakong e Tlang re Tla Bua ka: Hore na Bibele e rutang.

○●○ LEETO LA PELE LA HO BOELA

Potso: Bibele e rutang?

Lengolo: Mat 6:10

Nakong e Tlang re Tla Bua ka: Hore na Mmuso wa Modimo o tlo etsang.

○○● LEETO LA BOBEDI LA HO BOELA

Potso: Mmuso wa Modimo o tlo etsang?

Lengolo: Dan 2:44

Nakong e Tlang re Tla Bua ka: Hore na seo se tla ama lefatshe jwang.

Ho tloha kgweding ena, seboka sa hara beke se ke ke sa hlola se e ba le mehlala e meraro e fapaneng e bontshang kamoo re ka buang le batho kateng. Ho e na le hoo, Bukana ya Seboka sa Bophelo ba Bokreste le Tshebeletso ya Rona e tla ba le potso ya ho qadisa moqoqo, lengolo le arabang potso le hore na nakong e tlang le tla bua kang, e le hore o kgone ho etsa leeto la ho boela. Ho tla ba le dibeke tseo ho tla bapalwa divideo tse bontshang seo re ka se buang ha re le tshimong. Mohweletsi o tla ikgethela hore na o tla sebedisa dingolwa di fe ha a le tshimong tse hlahang ho km 7/15 leq.3 ser. 2 e nang le Dintho Tseo re ka di Sebedisang ho Ruta Batho Bibele. Ho ekelletsa moo, bukana ena e tla ba le dintlha tseo mohweletsi a ka buang ka tsona ha a kgutlela ho monga ntlo makgetlong a mang a latelang. Sena se tla re thusa ho finyella ‘bohle ba nang le tshekamelo e nepahetseng bakeng sa bophelo bo sa feleng.’—Lik 13:48.

Batho ba nang le dikabelo ba lokela ho sebedisa mehlala ya seo re ka se buang le batho ntle le ha ho itswe ba sebedise se fapaneng.