Liproverbia
5 Ho molemo ho khalemela motho u sa ipate ho feta ho mo rata empa u sa ʼmontše.+
7 Motho ea khotšeng ha a batle ho ja* mahe a linotši
Empa ho motho ea lapileng esita le ntho e babang e monate.
8 Motho ea balehang ha hae,
O tšoana le nonyana e balehang sehlaheng sa eona.
10 U se ke oa furalla motsoalle oa hao kapa motsoalle oa ntate oa hao.
Hape ha u hlaheloa ke koluoa, u se ke oa ea ha ngoan’eno.
Moahisani ea haufi o molemo ho feta ngoan’eno ea hole.+
12 Ea bohlale o bona kotsi ebe oa ipata+
Empa ba se nang kelello* ha ba ipate ebe ba fumana litholoana tse bosula.*
13 Nka seaparo sa motho haeba a itlamme hore o tla patala sekoloto sa motho e mong.
Haeba a itlamme hore o tla patala sekoloto sa mosali ea boitšoaro bo bobe,* u behe thepa ea hae paneng.+
14 Ha motho a hlohonolofatsa oa habo ka lentsoe le phahameng hoseng haholo,
Oa habo o tla ho nka e le bomalimabe.
15 Mosali ea ratang likhang* o tšoana le marulelo a lulang a nela ha pula e na.+
16 Mang kapa mang ea ka khonang ho laola mosali ea joalo a ka laola moea,
A ka ba a fupara oli ka letsoho la hae le letona.
17 Tšepe e leotsoa ka tšepe.
Ka ho tšoanang motho o leotsa motsoalle oa hae.*+
18 Ea hlokomelang sefate sa feie* o tla ja litholoana tsa sona,+
Le ea hlokomelang mong’a hae o tla hlomphuoa.+
19 Joalokaha motho a bona sefahleho sa hae ka metsing,
Ka ho tšoanang, pelo ea motho e mong ke seipone sa hae.
21 Joalokaha silevera le khauta li hloekisoa ka ho qhibilihisoa mollong,+
Thoriso eo motho a e fuoang ea mo senola.
23 U tšoanela ho tseba hantle hore na mohlape oa hao o shebahala joang.
Hlokomela mohlape oa hao.+
25 Joang bo botala boa nyamela ’me ho hlaha bo bocha,
Limela tsa lithaba lia bokelloa.
26 U tla iketsetsa liaparo ka boea ba liramo tse nyenyane
’Me u reke tšimo ka liphooko.
27 Ho tla ba le lebese la lipoli le lekaneng bakeng sa hao,
Bakeng sa ho fepa lelapa la hao le basebetsi ba hao.