Linaha Tsa Bibele

HA BAISERAELE ba itokisetsa ho kena Naheng e Tšepisitsoeng, Moshe o ile a bolella Molimo takatso ea hae e matla, a re: “Ka kōpo, ntumelle hore ke tšele ’me ke bone naha e ntle e ka mose ho Jordane, sebaka sena se setle se lithaba.”—De 3:25.

Moshe ha aa ka a lumelloa ho kena, empa o ile a hloa thaba e ka mose ho Jeriko ’me a bona naha eo—‘Gileade ho ea fihla Dane le naha ea Juda ho ea fihla leoatleng le ka bophirimela le Negebe le phula ea Jordane.’ (De 3:27; 34:1-4) Na u kile ua utloa mabitso ao? Na u tseba moo libaka tseo li leng teng?

Kajeno ke batho ba ’maloa feela ba Jehova ba ka khonang ho etela libaka tse ngata tseo ba balang ka tsona Bibeleng. Ha ba khone ho etsa seo Molimo a itseng Abrahama a se etse, e leng ho tsamaea sebakeng sohle sa Naha e Tšepisitsoeng. (Ge 13:14-17) Leha ho le joalo, Bakreste ba ’nete ba na le takatso e matla ea ho tseba hore na libaka tsa Bibele li hokae le ho bona kamoo li amanang kateng.

Bukana ena ea ‘Bona Naha e Ntle,’ ke kofuto eo u ka e sebelisang ho atolosa kutloisiso ea hao ea Mangolo. E na le litšoantšo tsa libaka tsa sebele, joaloka Gileade e bontšitsoeng sekoahelong. Ho bileng ho fanang ka tsebo e eketsehileng ke limmapa, tse ka eketsang tsebo ea hao ea libaka tsa Bibele.

’Mapa o leqepheng la 2 le la 3 o lebisa tlhokomelo linaheng kapa libakeng tse khōlō. Ka mohlala, ha u bona hore na Assyria le Egepeta li ne li le hokae le Naha e Tšepisitsoeng, u ka utloisisa hamolemo boprofeta bo buang ka linaha tseo. (Esa 7:18; 27:13; Hos 11:11; Mik 7:12) Mochophoro o monyenyane o bitsoang Naha e Tšepisitsoeng e ne e le mateano a litsela tsa boholo-holo, ’me lichaba tse ling li ne li batla ho ikhapela masimo a eona a lijo-thollo, a morara le meru ea mohloaare.—De 8:8; Bhl 15:5.

Ka linako tse ling ho ka ba molemo hore u bapise limmapa. Ka mohlala, Jonase o ne a rometsoe motse-moholo oa Assyria, empa a tsamaea ka sekepe se eang Tarshishe. (Jon 1:1-3) Na u bona libaka tseo ’mapeng oa pele? Empa ha ua lokela ho nahana hore Tarshishe ke ntho e le ’ngoe le Tarsase, e leng moo moapostola Pauluse a hlahetseng teng. U tla bona Tarsase le metse e meng e meholo ’mapeng ona.

Nahana ka hore na Abrahama o ne a e-ea sebakeng se hōle hakae le hore o ne a tsamaea ka tsela efe ha a e-ea Ure, Harane le Jerusalema. Ka mor’a hore Jehova a mo laele hore a khutle Ure, o ile a lula Harane eaba o ea Naheng e Tšepisitsoeng. (Ge 11:28–12:1; Lik 7:2-5) Leeto la Abrahama e tla ba la sebele haholoanyane ha u hlahloba sehlooho se reng “Lefatše la Bapatriareka,” se leqepheng la 6-7.

’Mapa oa pele le oo u o bonang mona ha li amane le nako leha e le efe e tobileng. Ntle le tseo tse peli, limmapa ka kakaretso li hlophisitsoe ho latela nako ea liketsahalo. Metse kapa makolopetso a ’mapeng a amana le liketsahalo tsa nako e itseng. Le hoja Index (leqepheng la 34-5) e sa akaretse sebaka se seng le se seng se limmapeng, e ka u thusa ho fumana limmapa tse amanang le taba eo u etsang lipatlisiso ka eona hona joale.

’Mapa o bohareng (leqepheng la 18-19) o na le litoropo le metse e mengata ka ho fetisisa ea Naha e Tšepisitsoeng. Tlhaloso ea ’mapa e tla u thusa ho fumana metse ea Balevi le metse e tšeletseng ea setšabelo hammoho le ho tseba hore na sebaka se itseng se boletsoe Mangolong a Seheberu kapa a Segerike, kapa ho ’ona ka bobeli.

Hona joale ha ho tsejoe hore na libaka tse ling tsa Bibele li ne li le hokae, kahoo boholo ba mabitso ao ha a eo ’mapeng oo o hare. Hape, ha hoa khoneha ho kenya motse le toropo e ’ngoe le e ’ngoe ho oona, joaloka litoropo tsohle tse mathathamong a meeli ea meloko. (Jos, likhao. 15-19) Empa, hangata ’mapa oo o akarelletsa metse e haufi, kahoo o u nolofalletsa ho lekanyetsa hore na sebaka se itseng se ne se le hōle hakae. Libōpeho tse ling tsa naha (lithaba, linōka le liphula tsa melapo e phoroselang) li tšoailoe, ’me bophahamo le libōpeho li bontšitsoe ka mebala. Makolopetso a joalo a ka u thusa ho nahana ka liketsahalo tsa Bibele.

Boitsebiso bo eketsehileng mabapi le libaka tsa Bibele bo fumaneha bukeng ea boitsebiso ea Insight on the Scriptures, e fumanehang ka lipuo tse ngata.a Ha u ntse u e sebelisa hammoho le lithuso tse ling tsa ho ithuta Bibele, beha bukana ea ‘Bona Naha e Ntle’ haufi. E hlahlobe ha u ntse u ithuta Mangolo ’ohle, a molemo haholo bophelong ba hao.—2Ti 3:16, 17.

[Mongolo o botlaaseng ba leqephe]

[Lebokose se leqepheng la 5]

LIBUKA TSA BIBELE LI NGOLETSOE

Babylona

Cesarea

Korinthe

Egepeta

Efese

Jerusalema

Macedonia

Moabe

Patmose

Naheng e Tšepisitsoeng

Roma

Shushane

[’Mapa leqepheng la 4, 5]

(Sheba boitsebiso bo hlophisitsoeng hantle khatisong)

Linaha Tsa Bibele le Metse e ka Sehloohong

A1 ITALY

A2 ROMA

A3 SICILY

A3 MALTA

C2 MACEDONIA

C2 Filipi

C2 GREECE

C3 ATHENE

C3 Korinthe

C3 KRETA

C4 LIBYA

C3 Antioke (ea Pisidia)

D3 Efese

D3 PATMOSE

D3 RHODE

D4 MEMFISE

D5 EGEPETA

E2 ASIA MINOR

E3 Tarsase

E3 Antioke (ea Syria)

E3 CYPRASE

E4 Sidone

E4 Damaseka

E4 Tyre

E4 Cesarea

E4 NAHA E TŠEPISITSOENG

E4 JERUSALEMA

E4 MOABE

E4 Kadeshe

E4 EDOMO

F3 Serapa sa Edene?

F3 ASSYRIA

F3 Harane

F3 SYRIA

F5 ARABIA

G3 NINIVE

G4 BABYLONA

G4 KALDE

G4 Shushane

G4 Ure

H3 MEDIA

[Lithaba]

E5 Thaba ea Sinai

G2 LITHABA TSA ARARATE

[Moo ho Nang le Metsi]

C3 Leoatle la Mediterranean (Leoatle le Leholo)

E1 Leoatle le Letšo

E5 Leoatle le Lefubelu

H2 Leoatle la Caspian

H5 Kou ea Persia

[Linōka]

D5 Nōka ea Nile

F3 Nōka ea Eufrate

G3 Nōka ea Tigris