Litaba Tsa Puso ea Molimo

Ethiopia: ’Muso oa Ethiopia o nka Lipaki tsa Jehova e le mokhatlo o ngolisitsoeng ka molao. Baena ba thabetse ho tsejoa ka molao ’me ba tsoela pele ka mosebetsi oa ’Muso. Ba se ba amohela lingoliloeng, le ho tšoara likopano.

Ghana: Thibelo e neng e entsoe mosebetsing oa rōna naheng ena joale e tlositsoe. Sena se thabisitse baena haholo, kaha Liholo tsa bona tsa ’Muso li boetse li butsoe ’me ho fanoe ka tumello ea ho kōpa ho ingolisa tlas’a molao o teng.

Liberia: Ka mor’a ho koaloa ka likhoeli tse ngata ka baka la ntoa ea lehae, lekala le Liberia le butsoe hape. Hona joale baromuoa ba bane ba khutletse ho ea sebeletsa lekaleng, ’me baena ba thabetse ho kopana hammoho ka bolokolohi.