Liboka tsa Tšebeletso tsa September
Beke e Qalang ka September 6
10 mets: Litsebiso tsa phutheho le Litsebiso tse khethiloeng ho Tšebeletso ea Rōna ea ’Muso.
20 mets: Na U tla ba Mohoeletsi oa ka Mehla oa Litaba tse Molemo Selemong sa Tšebeletso sa 1994? Puisano ka mongoli. Qala ka puisano ea mangolo e thehiloeng bukeng ea Tšebeletso ea Rōna, maqephe 82 le 85. Ka mor’a moo, hlahloba mesebetsi ea phutheho ea tšebeletso ea tšimo selemong se fetileng sa tšebeletso motheong oa boitsebiso bo fanoeng ho Tlhahlobo ea Peho ea Phutheho (S-10). Tsebisa phutheho hore na ke ba bakae ba neng ba sa tsoe ka mehla selemong se fetileng sa tšebeletso. Ke ba bakae ba ileng ba fetoa ke khoeli e le ’ngoe feela ea tšebeletso ea tšimo? Ke ba bakae ba fetiloeng ke likhoeli tse peli kapa ho feta? Ho ka etsahala hore ba bang ba ile ba tlameha ho sebetsana le maemo a boima, a kang mathata a bophelo, ha ba bang ba mpile ba hlōleha ho tlaleha tšebeletso ea bona. Ke joang bohle re ka sebetsang ’moho ho tiisa hore mohoeletsi e mong le e mong o tla tsoela tšebeletsong ka mehla selemong se secha sa tšebeletso? Hlahloba lintlha tse leng ho Tšebeletso ea Rōna ea ’Muso, June 1993, leqephe la 3. U ka boetse oa hokahanya lintlha ho tsoa ho Tšebeletso ea Rōna ea ’Muso, July 1993, leqephe la 2. Hatella taba ea hore ke boikarabelo ba rōna re le batho ka bomong ho kopanela tšebeletsong ea tšimo beke le beke le ho fana ka tlaleho hang-hang bofelong ba khoeli ka ’ngoe. Bua ka karolo ea mokhanni e mong le e mong oa Thuto ea Buka ea Phutheho haesita le mongoli hore ba tiise hore litlaleho tsohle tse fihlang ka mor’a nako lia amoheloa ’me li romeloa Mokhatlong hammoho le tlaleho ea khoeli e latelang. Afrika Boroa hoo e ka bang bahoeletsi ba etsang karolo ea 20 lekholong ha ba tsoe ka mehla. Japane ke bahoeletsi ba etsang karolo ea 2 lekholong feela ba sa tsoeng ka mehla. Na re ka ntlafatsa tabeng ee? Na u tla amohela phephetso ea ho ba mohoeletsi ea tsoang ka mehla selemong sa tšebeletso sa 1994?
15 mets: “Ho Thusa ba Bang ho Lemoha Letlotlo le Leholo.” Se koaheloe ka lipotso le likarabo. Ha le buisana ka serapa sa 4, e-ba le pontšo ea ha mohoeletsi a nehelana ka buka Phela ka ho sa Feleng ho motsoali.
Pina 108 le thapelo e koalang.
Beke e Qalang ka September 13
10 mets: Litsebiso tsa phutheho. Kopanyeletsa le tlaleho ea lichelete le liteboho bakeng sa monehelo. Babatsa phutheho ka ho tšehetsa phutheho ka seatla se bulehileng esita le mosebetsi oa Mokhatlo oa lefatše ka bophara.
10 mets: “Ruisa ba Bang Molemo ka ho Sebelisa Limakasine.” Puo le lipontšo. Totobatsa bohlokoa ba ho sebelisa ka botlalo litokollo tsa morao-rao le tsa khale tsa limakasine. E-ba le lipontšo tse peli, e ’ngoe e buella makasine oa morao-rao ’me e ’ngoe e bontše kamoo ho ka sebelisoang tokollo ea khale ho finyella tlhoko e tobileng ea mong’a ntlo.
15 mets: “Re tla Finyella eng Selemong Sena sa Tšebeletso?” Puo ’me bamameli ba kopanele. E fanoe ke molebeli ea okamelang. Hlahloba tšebeletso ea phutheho ea selemo se fetileng ’me u khothaletse bohle ho etsa litokisetso bakeng sa ho ba le mosebetsi o eketsehileng selemong sa tšebeletso sa 1994.
10 mets: “Ithute Libuka Phela ka ho sa Feleng le Ho Kopana Borapeling.” Ka mor’a ho hlahloba sehlooho le bamameli, e re mohoeletsi ea lokiselitseng hantle a etse pontšo ea kamoo ho ka etsoang liphetoho ho ithuta buka Phela ka ho sa Feleng ha pele ho ne ho ithutoa Motho e Moholo ka ho Fetisisa.
Pina 17 le thapelo e koalang.
Beke e Qalang ka September 20
10 mets: Litsebiso tsa phutheho. Totobatsa lihlooho tse leng limakasineng tsa morao-rao tse ka buelloang bekeng ena tšebeletsong ea tšimo.
20 mets: “Thusa Batho ba Kang Linku Hore ba Hahe Holim’a Motheo o Tiileng.” Puisano le bamameli. Totobatsa bohlokoa ba hore re lokisetse bakeng sa leeto le leng le le leng la ho boela. Lokisetsa hore mohoeletsi ea tšoanelehang a etse pontšo ea ho etsa leeto la ho boela ho motho eo pele a ileng a amohela buka Phela ka ho sa Feleng, a sebelisa boitsebiso bo serapeng sa 3 kapa sa 5.
15 mets: “Ho Qalisa Lithuto tsa Mahae tsa Bibele.” Lipotso le likarabo. Ka mor’a serapa 4, kenyeletsa pontšo e tletseng bophelo ea ha ho etsoa leeto la ho boela moo ho sebelisoang Bibele feela, empa le thehiloe likarolong tsa buka Phela ka ho sa Feleng kapa Ho Bea Mabaka, joalokaha ho hlahisitsoe.
Pina 84 le thapelo e koalang.
Beke e Qalang ka September 27
15 mets: Litsebiso tsa phutheho. Mema molebeli oa tšebeletso hore a fane ka tlaleho ea khatelo-pele e entsoeng tšimong e sa abuoang ’me a bue ka litokisetso tse entsoeng bakeng sa khoeli ea ho qetela ea phutuho. Khothaletsa bohle hore ba nke lingoliloeng tse fapa-fapaneng, ho kopanyeletsa le lingoliloeng tsa khale tsa limakasine, ka lipuo tse buuoang tšimong eo. Haeba ho ka khoneha, siela motho e mong le e mong eo e leng mong’a ntlo seo a tla se bala.
15 mets: Lebokose la Lipotso. E fanoe ke moholo. Hatisa lebaka la ho ela hloko boitšoaro ba rōna ha ho na le kolobetso le kamoo bo amang Jehova le molaetsa oa ’Muso.
15 mets: Buella Lipeeletso ka October. Lokisetsa lipontšo tse tharo, e ’ngoe e buella Molula-Qhooa oa morao-rao, e ’ngoe e buella Tsoha! ea morao-rao, ’me ho e ’ngoe mong’a ntlo o tšoarehile haholo ’me o amohela limakasine kapa pampitšana. Ka mor’a pontšo ka ’ngoe hlahloba le bamameli hore na ke hobane’ng ha nehelano e ile ea atleha. Khothaletsa bahoeletsi hore ba buelle lipeeletso ha ho hlaha monyetla o mong le o mong.
Pina 21 le thapelo e koalang.