Litaba tsa Puso ea Molimo

Afrika Boroa: Ho ile ha neheloa Liholo tsa ’Muso tse ncha tse tharo Meloding (Virginia), Vosloorus, le Welkom East. Holo ea Vosloorus, East Rand, e hahiloe mafelo bekeng a July 27 le 28. E bile ho fapaneng hakaakang ho bona baithaopi ba makholo ba nang le khotso ba merabe eohle ba sebetsa hammoho, ha pefo e tšabehang le ho thunyana li ne li ntse li kupa ka ho tsoelang pele libakeng tse haufi tsa Katlehong le Thokoza!

Bahamas: Bahoeletsi ba 1 294 ba ile ba thabela ho ba le ba 3 149 ba bileng teng Likopanong tsa bona tsa “Thuto ea Bomolimo” le ho bona ba 38 ba kolobetsoa.

Brazil: Ka July ho ile ha finyelloa tlhōrō ea bone ea bahoeletsi bakeng sa selemo sa tšebeletso sa 1993 moo ho ileng ha beha ba 348 634.

Gabon: Ka lenane la bahoeletsi ba 1 332 ba ileng ba beha ka July, ba ile ba finyella tlhōrō ea bona ea bohlano selemong sa tšebeletso sa 1993. Bahoeletsi bana ba mafolo-folo ba bile le karolelano ea lihora tse 17,8 ba etsa maeto a ho boela a 22 658, ’me ba tsamaisa lithuto tsa lehae tsa Bibele tse 4 280.