Mekhatlo e Mecha e Thehiloeng

Tokollo ea Molula-Qhooa oa January 15, 2001, e ile ea tlaleha tsela e hlophisehileng eo ka eona Lipaki tsa Jehova li tsoelang pele ho hatela pele ka mosebetsi oa ’Muso lefatšeng lohle. E ile ea boela ea hlalosa kamoo mekhatlo e meng ea molao e sebelisoang kateng bakeng sa ho phetha mosebetsi oa ho bolela litaba tse molemo. Mekhatlo e joalo ea hlokahala bakeng sa ho iphaphatha ka melao ea sebaka ka seng le ea sechaba, kaha ke seo Lentsoe la Molimo le se hlokang. (Bar. 13:1) Ka lebaka la ho pharalla ha mosebetsi oa rōna, Sehlopha se Busang se lumeletse hore ho thehoe mekhatlo e eketsehileng bakeng sa ho hlokomela litlhoko tse itseng tsa Lipaki tsa Jehova United States le likarolong tse ling tsa lefatše. Afrika Boroa le linaheng tse ngata tsa boahelani, re se re ntse re e-na le mekhatlo ea molao e sebetsang, e kang:

Jehovah’s Witnesses of South Africa

Jehovah’s Witnesses Botswana

Lesotho Association of Jehovah’s Witnesses

Jehovah’s Witnesses of Namibia

Swaziland Association of Jehovah’s Witnesses

Mekhatlo ena e sebetsa hammoho le Watch Tower Bible and Tract Society of Pennsylvania. Nakong e tlang, bongata ba mangolo a tla romeloa liphuthehong le ho bahoeletsi a tla be a ngotsoe tjena qalong ea leqephe, “Jehovah’s Witnesses of South Africa.” Ha u founela ofisi ea lekala, ea arabelang founo o tla re “Jehovah’s Witnesses.” Sena se tla re khetholla ka ho hlaka ka lebitso la rōna le loketseng. Ho sebetsa ha lōna tumellanong le liphetoho tsena tse entsoeng ke Sehlopha se Busang ha se phetha kabelo ea sona ea ho hlokomela lintho tsohle tsa Mong’a sona ho tla ananeloa haholo.—Mat. 24:45-47.