Lebokose la Lipotso

◼ Na ho loketse hore motho a bokelle boitsebiso bo tla hlaha Sekolong sa Tšebeletso sa Puso ea Molimo ebe o bo romela ho batho ba bang?

Ho nepahetse hore litho tsa lelapa li iketsetse bona le hore motho a bo etsetse metsoalle ea hae e seng mekae e haufi-ufi. Leha ho le joalo, boitsebiso boo ha boa lokela ho romeloa batho bohle kapa ba rekisoa, kaha sena e tla be e le ho tlōla molao oa bongoli.—Bar. 13:1.

Lipuo tse ling tsa Sekolo sa Tšebeletso sa Puso ea Molimo li bontša sehlooho feela; ha li na mohloli oa boitsebiso. Na ho ne ho tla ba molemo haeba motho e mong a ka hlophisa letoto la moo boitsebiso boo bo hlahang teng kapa a bokella mohloli oa boitsebiso oo batho ba nang le lipuo tseo ba ka o sebelisang? Che. Ebile e ne e ke ke ea e-ba ho nepahetseng ho bokellela batho ba bang likarabo tsa lipotso tsa Tlhahlobo ea Sekolo sa Tšebeletso sa Puso ea Molimo, hobane sena se ke ke sa ba thusa ho hopola lintlha tsa bohlokoa. Liithuti li lokela ho iketsetsa lipatlisiso. Ena ke karolo ea bohlokoa ea tsela eo Jehova a re koetlisang ka eona ka sekolo sena e le ho re thusa ho bua ka “leleme la ba rutiloeng.”—Esa. 50:4.