Tsela ea ho Buella Limakasine

Molula-Qhooa May 15

“U ne u ka araba potso ee joang? [Bala potso e sekoahelong. Ebe u emela karabo.] Bibele e re fa lebaka la ho ba le tšepo. [Bala Matheu 6:9, 10.] Makasine ena e hlalosa kamoo ’Muso oa Molimo o tla phethahatsa thato ea Molimo lefatšeng.”

Tsoha May

“Na u nahana hore Molimo o rerile esale pele liketso tsa rōna le qetello ea rōna? [Emela karabo.] Ho ea ka temana ena ea Bibele, Molimo o lumeletse batho hore ba khethe tsela eo ba batlang ho phela ka eona. [Bala Deuteronoma 30:19.] Sehlooho sena se hlalosa seo Bibele e se bolelang tabeng ena.” Buella sehlooho se qalang leqepheng la 12.

Molula-Qhooa June 1

“Hoo e ka bang letsatsi le letsatsi re utloa litaba tsa batho ba etsang bokhopo. [Bolela mohlala oa morao-rao oa se tsebahalang sebakeng seo.] Na u kile ua ipotsa hore na ebe ho na le matla a mang a mabe a sa bonahaleng a hlohleletsang batho? [Emela karabo. Ebe u bala Tšenolo 12:12.] Makasine ena e bontša kamoo re ka itšireletsang kateng.”

Tshoa! June

“Nka thabela ho utloa maikutlo a hao mabapi le se boleloang mona. [Bala 1 Timothea 6:10.] Na u nahana hore batho ba phelelang chelete le ho bokella leruo ba hlile ba intša kotsi ka ho etsa joalo? [Emela karabo.] Makasine ena e hlalosa liphello tse mpe tsa ho lelekisa maruo.”