Tsela ea ho Buella Limakasine

Molula-Qhooa February 1

“Na ho hlile hoa khoneha ho tseba hore na Molimo o joang? [Emela karabo.] Ho na le taba e thahasellisang eo ke lakatsang ho u bontša eona mabapi le sena.” Bala u be u tšohle lirapa tsa potso ea 2 leqepheng la 16 hammoho le le leng la mangolo a sa qotsoang. Mo fe limakasine ’me u lokisetse ho khutlela ho eena hore le e’o tšohla lirapa tsa potso ea 3.

Tsoha! February

“Kaha Bibele ke buka ea khale haholo, batho ba bang ba nahana hore seo e se buang litabeng tsa saense ha sea nepahala. Taba ee u e bona joang? [Emela karabo.] Ba bangata baa makala ha ba utloa hore Bibele e bua tjena. [Bala Esaia 40:22.] Sehlooho se qalang leqepheng la 22 se araba potso e reng, Na saense le Bibele lia lumellana?”

Molula-Qhooa March 1

“Lipaki Tsa Jehova li tsebahala ka mosebetsi oa boboleli. Na u kile ua ipotsa hore na ke hobane’ng ha re etsa mosebetsi oo? [Emela karabo.] Ela hloko tlhaloso ena. [Bala Matheu 24:14.] Makasine ena e araba lipotso tsena: Litaba tse molemo ke eng? ’Muso ke eng? Hona bofelo bo tla tla ke eng?”

Tsoha! March

“Kaha batho ba bangata ba tšoenngoa ke ho kula, re ntse re balla batho temana ena e khothatsang. [Bala Esaia 33:24.] U bona eka ha mantsoe aa a phethahala, bophelo bo tla fapana joang le ba hona joale? [Emela karabo.] Ho fihlela Molimo a tlisa phetoho ena, ho na le mehato ea bohlokoa eo kaofela ha rōna re lokelang ho e nka e le hore re ntlafatse bophelo ba rōna. Makasine ena e hlalosa taba eo.”