Tsela ea ho Buella Limakasine

Molula-Qhooa March 1

“Batho ba na le maikutlo a sa tšoaneng ka Jesu. Na u nka hore ke mora oa Molimo kapa ke motho feela ea molemo?” Emela karabo. Ebe le bala hammoho taba e hlahang ka tlas’a e ’ngoe ea lipotso tse ngotsoeng ka mongolo o motenya tse leqepheng la 16-17 le lengolo le leng ho a sa qotsoang. Mo fe limakasine ’me u lokisetse ho khutlela ho eena ho tla araba potso e latelang.

Tsoha! March

Ha u kopana le mocha, mo bontše sehlooho se qalang leqepheng la 26. Ebe u mo bontša sehloohoana sa pele u nt’o mo botsa potso ena, “U ka re lipolelo tsee ke ’nete kapa ke bohata? [Emela karabo. Ebe u bala 2 Bakorinthe 7:1.] Makasine ena e tšohla seo u lokelang ho se tseba ka ho tsuba le hore na motho a ka tlohela joang.”

Molula-Qhooa April 1

“Batho ba bangata ba lumela lintho tse ngata tse sa tšoaneng ka Jesu. Na u bona eka ke habohlokoa ho tseba ’nete ka eena? [Emela karabo. Ebe u bala Johanne 17:3.] Makasine ena e bontša hore na Bibele e re’ng ka Jesu; e bolela hore o ne a tsoa hokae, o phetse bophelo ba mofuta ofe le hore na ke hobane’ng ha a ile a shoa.”

Tsoha! April

“Na ua lumela hore ho shoelloa ke moratuoa ke bo bong ba mathata a boima ka ho fetisisa a ka hlahelang motho? [Emela karabo.] Ba bangata ba thusitsoe ke keletso ena. [Bala Pesaleme ea 55:22.] Makasine ena e bontša lintho tse molemo tseo re ka li etsang ha re shoetsoe ke motho eo re mo ratang le kamoo re ka lahlelang moroalo oa rōna ho Molimo.”