Mehlala ea Seo U ka se Buang le Batho

Tsela ea ho Qala Lithuto Tsa Bibele ka Moqebelo oa Pele oa May

“Na u kile ua ipotsa hore na ke hobane’ng ha Molimo a lumella bokhopo le mahlomola? [Emela karabo.] Ke lakatsa ho u bontša ntlha e thahasellisang ka taba ena.” Bala le eena boitsebiso bo tlas’a sehloohoana sa pele leqepheng la 16 la Molula-Qhooa oa May 1 hammoho le lengolo le leng le sa qotsoang. Mo fe limakasine, ebe u lokisetsa ho khutlela ho eena ho ea araba potso e latelang.

Molula-Qhooa May 1

Bala Pesaleme ea 37:10, 11. Ebe u re: “Na u bona eka re tla be ntse re le teng haufinyane ha tšepiso ee e phethahala? [Emela karabo.] Makasine ena e tšohla lintho tse tšeletseng tse sa tšoaneng tseo Bibele e ileng ea li profeta tseo re bonang ha li phethahala hona joale, e leng boprofeta bo bontšang hore e lokela ebe ho ke ke ha feta nako e telele pele tšepiso eo e phethahala.”

Tsoha! May

“Batho ba bang ba re batho e mpa e le liphoofolo tse tsoetseng pele. U e bona joang taba ee? [Emela karabo. Ebe u bala Pesaleme ea 139:14.] Ke ’nete hore mopesaleme o ne a tseba lintlha tse seng kae tse hlollang ka ’mele oa motho. Makasine ena e tšohla seo re se tsebang hona joale, ho akarelletsa le lintho tse re khethollang ho liphoofolo.”