Mehlala ea Seo U ka se Buang le Batho

Tsela ea ho Qala Lithuto Tsa Bibele ka Moqebelo oa Pele oa February

“Batho ba bangata ba nahana hore Diabolose ke eena ea hlohlelletsang bobe bo teng lefatšeng. Empa baa ipotsa: ‘Diabolose o bile teng joang? Na o bōpiloe ke Molimo?’ U nahana joang ka taba ee? [Emela karabo.] Hlokomela seo re se balang mona.” Mo bontše sehlooho se leqepheng la ho qetela la Molula-Qhooa oa February 1, ʼme u tšohle serapa sa pele le lengolo le bontšitsoeng. Mo siele limakasine, ’me u lokisetse ho khutla e le hore le tl’o tšohla potso e latelang.

Molula-Qhooa February 1

“Re ka thabela ho utloa maikutlo a hao ka motho e mong ea hlomphuoang haholo ke Bakreste, Bajuda le Mamosleme ka ho tšoana. Motho eo ke Moshe. Ntho ea pele eo u e nahanang ha u utloa lebitso la hae ke efe? [Emela karabo.] Le hoja Moshe a ile a etsa liphoso, hoa thahasellisa ho utloa tsela eo Bibele e mo hlalosang ka eona. [Bala Deuteronoma 34:10-12.] Makasine ena e hlalosa litšobotsi tse ntle tse tharo tseo a neng a e-na le tsona le hore na re ka mo etsisa joang.”

Tsoha! February

“Kajeno ho tloaelehile hore batho ba fallele naheng e ’ngoe ho ea batla makhulo a matala. Na u nahana hore kamehla ba fumana seo ba se batlang? [Emela karabo.] Ho falla hase ntho e ncha. Hlokomela mohlala ona o tsoang bukeng ea pele ea Bibele. [Bala Genese 46:5, 6.] Makasine ena e tšohla lipotso tsena.” Bontša mong’a ntlo lipotso tse hlahang qetellong ea leqephe la 6.