Tsela ea ho Buella Limakasine

Molula-Qhooa January 1

“Na u bona eka Molimo ha a na taba ha tikoloho e silafatsoa? [Emela karabo. Ebe u bala Tšenolo 11:18.] Sehlooho sena se fana ka mabaka a tsoang Bibeleng a ho ba le tšepo ea hore bokamoso ba lefatše bo tla ba botle.” Buella sehlooho se leqepheng la 18.

Tsoha! January

“Ha ba tobane le mathata, batho ba bangata ba nka hore Molimo oa ba otla. Na u kile ua ikutloa joalo? [Emela karabo. Ebe u bala Jakobo 1:13.] Sehlooho sena se hlalosa hore na ha e le hantle sesosa sa mathata a rōna ke sefe le hore na ke hobane’ng ha re ka kholiseha hore litsietsi tsa rōna li tla fela haufinyane.” Buella sehlooho se qalang leqepheng la 28.

Molula-Qhooa February 1

“Na u lumela hore Molimo o amohela malumeli ’ohle? [Emela karabo.] Hlokomela hore na mona Jesu o amehile ka eng. [Bala Matheu 15:8, 9.] Sehloohong sena ho tšohloa taba ea hore na Molimo o amohela mefuta eohle ea borapeli.” Buella sehlooho se leqepheng la 9.

Tsoha! February

“Ntho e ’ngoe le e ’ngoe e lefatšeng e bontša hore le etselitsoe ho ba le bophelo. Ebe u bona eka le bile teng ka tšohanyetso feela, kapa u lumela hore le entsoe ke ’Mōpi? [Emela karabo.] Batho ba bangata ba lumellana le temana ena ea Bibele. [Bala Pesaleme ea 104:24.] Makasine ena e tšohla bopaki ba saense le ba Bibele ba hore ’Mōpi o teng.”