Tsela ea ho Buella Limakasine

Molula-Qhooa November 1

“Ho bonahala malapa a ntse a tetebela maqakabetsing. Ebe ho ka ba joang ka malapeng haeba litho tsa malapa li leka ho etsa seo Jesu a se entseng? [Bala Matheu 20:28, ebe u emela karabo.] Sehlooho sena se tšohla lintho tse hlano tseo malapa a ka ithutang tsona mohlaleng oa Jesu.” Buella sehlooho se qalang leqepheng la 16.

Tsoha! November

“Na u bona eka bolumeli bo thusa batho ho ba le lerato le khotso kapa bo hlohlelletsa lehloeo le pefo? [Emela karabo.] Ho bonahala eka batho ba bangata ha ba re letho ka mantsoe ana a Jesu. [Bala Matheu 5:44, 45.] Sehloohong sena re tla fumana karabo ea potso e reng, Na motho a ka rata lira tsa hae?” Buella sehlooho se qalang leqepheng la 10.

Molula-Qhooa December 1

“Na u bona eka ka letsatsi le leng Molimo o tla felisa mahlomola lefatšeng? [Emela karabo.] Bibele e re fa tšepo temaneng ena. [Bala lengolo le leng ho a lebokoseng le leqepheng la 7.] Makasine ena e bontša hore na Bibele e re Molimo o tla felisa mahlomola ’ohle neng hona e le ka tsela efe.”

Tsoha! December

“Batho ba bang ba lumela hore Molimo o bōpile leholimo le lefatše, empa ba bang ba na le maikutlo a hore li bile teng ka tsietsi ’me ha ho bonahale ho e-na le lebaka la hore ebe li teng. Uena u re’ng? [Emela karabo.] Bona hore na Bibele e re’ng. [Bala Baheberu 3:4.] Makasine ena e hlalosa hore na ho tlile joang hore li be teng le hore na li teng ka lebaka lefe.”