Tsela ea ho Buella Limakasine

Molula-Qhooa December 1

“Nakong ena ea selemo, batho ba bangata ba leka ho etsa litšoantšo tse mabapi le tsoalo ea Jesu ho latela tlaleho ena ea Bibele. [Bala Matheu 2:1, 11.] Na u hlokometse phapang pakeng tsa seo Bibele e se buang le seo litšoantšo tseo li atisang ho se bontša? [Emela karabo.] Sehlooho sena se bua ka se ileng sa fela sa etsahala.” Buella sehlooho se leqepheng la 31.

Tsoha! December

“Nka rata ho tseba maikutlo a hao ka seo Jesu a ileng a se bua lengolong lena. [Bala Matheu 5:3.] Kaha ho na le malumeli a mangata a sa tšoaneng, na ebe ho na le taba hore na re khotsofatsa tlhoko ea rōna ea moea joang? [Emela karabo.] Sehlooho sena se bontša hore na Bibele e re’ng ka ho khotsofatsa tlhoko ea moea.” Buella sehlooho se qalang leqepheng la 12.

Molula-Qhooa January 1

“Malumeli a na le maikutlo a sa tšoaneng ka joala. Ebe Molimo o ikutloa joang ha motho a noa joala? [Emela karabo.] Le hoja Bibele e re Jesu o ile a fetola metsi veine ka mohlolo, e boetse e bua mantsoe a lengolong lena. [Bala Liproverbia 23:20a.] Makasine ena e bontša hore na Bibele e talima taba ena joang ka tsela e leka-lekaneng.”

Tsoha! January

“Linakong tsena tse thata, batho ba bangata ba imetsoe ke mosebetsi ebile ba imetsoe kelellong. Na u kile ua ikutloa ka tsela ee? [Emela karabo.] Bibele e fana ka keletso ena e utloahalang. [Bala Moeklesia 4:6.] Makasine ena e bua ka hore na ke eng eo re ka e etsang e le hore re se ke ra feteletsa lintho mosebetsing, lapeng le boikhathollong. E boetse e fa ba batlang mosebetsi likeletso.”